2 Samuwel 12:20 - NABUWWA KEE MALIKWA

²⁰ Too waqdi Dawud woo elle suge qari-baaxak ugteeh, kaqalla 'yeh amo filla heek lakal, edde suge sarak katta 'yeh meqe sarat gace. Tohuk lakal YALLIH Qibaadah-Qaril YALLA yaqbude'gidih gexeeh, tokkel YALLA yuqbude. Sarrak isi buxah yuduureeh, buxa gufe waqdi, «Maaqo yoh baaha» iyyeeh, maaqo kaah baaheeniih; yokme.

2 Samuwel 12:20 ပူးပေါင်းရင်းမြစ်များ

2 Samuwel 12:19

Dawuduh tu gactek, tutuc axcih ken yuble waqdi, awki rabem yeexegeeh, «Awki maay rabee?» keenik iyye. «Yeey, rabeh» kaak iyyen.

2 Samuwel 12:21

Kay buxal taamat yen mari ah yuble waqdi kaak iyyemii, «Awkal rooci yen saaku kaah weeqakaay, maaqo cinak sugteh; awayay awki rabehiyya ugutta 'teh maaqo akah takmem waagisnehik macaay?» kaak iyyen.

2 Samuwel 14:2

kaxxam bagi cubbi le barray dabqah Takooqa deqsitta magaalal tenehiyya kaa fan ruube. Woo barrak iyyemii, «Dawud fan gex. Gexxa way rookat sugte barra ceelay, qatri mahaysitinay, mango udduruh rookitak sugte barra ceelay kaal gex. Sarrak kaa fan tamaate waqdi, anu taway kok elle inxicca axce'nnal kaak axcetto» teetik iyyeeh, intu waytam warissa teetih heeh tet ruube.

2 Samuwel 19:24

Tohuk lakal Saawuluk baxi baxah yen Mafiboset kaadu malikit yangoorowe'gidih yemeete. Mafiboset malik gexxa 'yeemiiy amaanah uduurra 'yam fanah, iba kaqliseh manannaay deben isik mooleh mananna. Xagaral le sara kaadu kaqliseh mananna.

2 Samuwel 6:17

Sarrak Sandug baaheeniih, Dawud dumaak Sandug elle hoonuh sooliseh suge siraqih addat heen. Tohuk wadir Dawud YALLIH sadgatah cado akak carrisan saq qideeh, kaadu amaanah xiinaanamih asta takke'gidih YALLAH sadgat abe.

2 Samuwel 7:18

Tohuk lakal Malik Dawud siraq adday YALLA-elle-yaqbudeenihiyya culla 'yeeh, tokkel daffa 'yeh fayla kee dooqa abe. Iyyeemih, «YALLAW, Mulki le Dageltaw, anu a axxul le maqaaney yoh abtehiyya geyam caddik le num hinniyo. Yoo kee yi buxah marak atu neh abteh tan maqaane, ni caddik fulta maqaane.

Ruut 3:3

Too waqdi atu kaqalla 'xicaay qatri isil caxxaay meqe sarat gacca 'xic. Tokkek usuk too caffali daro kee caffa tittak elle baxsa ikke fan gex. Sarrak usuk makum kee maqubuk gaba kalla haam fan wokke temeetem isik maysaxxagin.

1 Samuwel 15:25

Takkay immay away koo kallacaamah, abe dambi yol cabay, YALLA aqbude'gidih yo'lih uduur» kaak iyye.

1 Samuwel 15:31

Sarrak Samuwel kaa'lih yuduureeh, Saawul YALLA yuqbudeh.