2 Samuwel 12:16 - NABUWWA KEE MALIKWA

¹⁶ Too waqdi Dawud, baxi kaah qaffoota'gidih, Yalla kallace. Maaqo afah xagu cineeh, kulli bar isi qari culla 'yeh qarik baaxal deerih gacca 'yeh, elle maaca fan sugak yen.

2 Samuwel 12:16 ပူးပေါင်းရင်းမြစ်များ

2 Samuwel 12:15

Too waqdi Naatan isi buxah gexe. YALLI, Uriyyâ-barra Dawuduh xalte baxat lakima ruube.

2 Samuwel 12:22

Too waqdi keenil gacsemii, «Nummah awki rabe'kah yen saaku maaqok soomuh gaceh weeqeh; woh akah abem, ‹YALLI yoh racmateleeh, awka rabak yoh catam takkeh› 'yaanam bagut ascubuk suge.

2 Samuwel 13:31

Too waqdi malik sollu 'yeh sartan isik qanxiseeh, qari-baaxal afah rade. Kay buxal taamita kay mari kaadu sara isik qanxise.

1 Malikwa 21:27

Eliyyas yaabak gaba kale waqdi, Acab sara isik qanxiseh baaxot qideeh, sartanah *qabuddat gace. Maaqo cineeh xiinih qabuddal gace. Tohuk wadir fooci kaak dattowwa 'yeh cisabbootak gexe.

Nacmiya 1:4

Too xaagu oobbe waqdi, daffa exceh weeqe. Dago ayroora rookat sugeeh, too ayroora maaqo xage'kal suge. Yalla kallaceeh,

Aster 4:16

Inteemih, «Suusâ magaalal yan Yahuud marak inkih mododa inxic. Soomaay yoh kaadu dooqa aba inxic. Sidooca bar kee laqoh tu maaqabinaay makmina keenik inxic. Yoo kee yi taamat yan baxuw kaadu toh abenno. Tohuk lakal xintol umam kinnim aaxigeh immay, tohuh, malik fanah gexeyyo. Tohuh, rabi yol yemeetek, yamaatay» 'yaanam kaah rubte.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Yasaqya 26:16

«Ku mari gadaamite saaku, ken digaalteeh adbisse saaku, catoh koo fan yemeeten, YALLAW, isinni bagut dooqa abiten.

Daaniyel 6:18

Tohuk lakal malik isi buxah yuduureeh, inkih yan bar maaqo yakamu cineeh, sinam lih walalu cineeh, xin kaadu kaat rade cineh.

Daaniyel 9:3

Too waqdi dooqa abeh, Yalla kallace. *Qabuddat sartanah gaccaay soomuh assa exceh, gomboduk addat daffa exce. Sarra abne umaanet yaabeeh, Yallay yi Dagelta kinnihiyya kallace. Exceemih, «Goytaw, atu naba Dagelta kinnito; nanu kok meysinnah. Koo kicna mara kee ku amri oggola mara lih abe bica xagura Dagelta kinnito. Woo mara lih lito kacni mayambaxa.

Yoonas 3:9

Tonnal Yalli bagcarra cabba heeh neh racmatak xuwaawam takkeh. Tonnal kaadu rabak cattiimenno» iyye.

Yoosuwa 7:6

Too waqdi Yoosuwa abeh yan wariggah sara isik qanxiseeh; YALLIH Qahdih-Sanduguk foocal gommoh rade. Israayil makaabon kaadu toh abteeh; tokkel aben arka yaybulleeni'gidih amol siisa luk magrib tikki 'yam fan gommoh sugen.