2 Samuwel 10:18 - NABUWWA KEE MALIKWA

¹⁸ sarra, Suuriyah qaskar wadir-wadirih toowwe. Too waqdi Dawud kee kay mari, Suuriyah qaskarak malcina boolih numuy gaari farasak qeebi abahiyya kee, morootom alfih qaskariitay faaris amok qeebi abahiyya qiden. Soobak deqsita numuy keenik qaskar abbah yenehiyya xaaguqal raaqeeh, sarrak carbi booxal elle rabe.

2 Samuwel 10:18 ပူးပေါင်းရင်းမြစ်များ

2 Samuwel 10:17

Malik Dawud ta xaagu elle gee'kkel, Israayil qaskar gaabossa heeh Ordon weeqaytuk woo qaxa raqta exxal Suuriyah qaskarat fooca kee foocah gacca 'yeenih qeebi elle aban arac ken yibbixsiise. Tohuk lakal qeebi radeeh,

2 Samuwel 8:4

Dawud alfi kee malcina boolih qaskaritay faras amok qeebi aba kee, ibi qaskarak labaatanni alfih num kaak yibbixe. Woo faarisik bool takkem gaari edde beyaana'gidih raaqiseeh, raqqa 'te faariisak xukcuunul yiggileeh iba waysiise.

1 Malikwa 11:24

Sarrak butta takke gaadileh abba yekke. Annah tanim tekkem, Dawud Hadad-Qeder qeebil yeyseeh kay qaxat yen Suuriyah mara selek sarrak ten. Radon kee kay mara gexxeeh, Damaskoh magaalal gacen. Tokkel, kay mari Suuriyah-malik kaa abe.

1 Aydaad 19:18

sarra, Suuriyah qaskar wadir-wadirih toowwe. Too qeebil Dawud kee kay qaskar, faaris-gaariirat qeebi aba marak malcina alfih qaskariita qideeniih, ibi qaskarak kaadu, morootom alfih qaskariita keenik qiden. Suuriyah qaskarak abbah suge Soobak kaadu edde qiden.

Makaabon 4:2

Tohuk gexxaamah YALLI, Yaabin deqsita malikiy Kanqaanah yoobokehiyyay Caxor magaala xiinisak yenehiyyak carbil ken gacsiiseeh kay gabat ken yiysibixe. A malikih qaskarih abba, Sisra deqsita numuy Carooset-Goyim deqsitta magaalal guubuh yenehiyyak ten.

Makaabon 4:22

Barak, Sisrâ-goranah yemeete waqdi, Yaqel afah bukku 'teh kaah garayteeh kaak inteemih, «Atu gorrissa num koo aybulleeyyok, annah am» kaak inte. Too waqdi usuk tet lih woo siraq adda culeeh; tokkeh addal Sisray rabeeh baaxol radey moyyat akak siraq edde daabisan birti culah akak yanihiyya kaah suge.

Makaabon 5:26

Siraq edde daabisan birta guri-gabat hayte; taamâ-marih maatakat migdi-gabat hayte. Sisrâ-moyya edde muddeeh, tiggiggile; moyyak tattabat kaak muddeh.