2 Samuwel 10:14 - NABUWWA KEE MALIKWA

¹⁴ Suuriyah mara kudah yublen waqdi, Qammon mari kaadu Abiisayak yoowweeh, magaalah adda culen. Toh yuble waqdi Yowab Qammon marih qeebik raaqeh, Yarusalaam fan yuduure.

2 Samuwel 10:14 ပူးပေါင်းရင်းမြစ်များ

2 Samuwel 10:15

Suuriyah mari Israayil-marak gaceenim isinnik yublen waqdi, qaskarak elli haanamah seeco aben.

2 Samuwel 11:1

Ciggiila sugum adday dardorti xeflih qeebih edde gexxahiyyat, Dawud, Yowab kee kalah tan qaskar abbobti kee Israayil qaskar qeebih ruube. Oson Qammon maral umam baaheenih, qaskarak qeebih yeyseeniih; Rabbay inaytâ-magaalah keenik tenehiyya maraasiyya heenih yabbixeenim faxen. Dawud isih magexinnay, Yarusalaam magaalal elle raaqe.

2 Samuwel 20:6

Too waqdi Dawud Abiisayak iyyemii, «Away Absalaam nel baaheh sugeemik, Sabaq nel baahu waam lafitta. Awayiik yi qaskar gabat hayya haay lakat kaak gex. Toh abe waynek, gaso maroh edde tan magaaloolit culla 'yeh ambooqorele» iyye.

2 Samuwel 22:38

Naqboytiitik eyseh, yi gabat ken selte. Bayissa ken hee'kal aadem maduudiyyo.

2 Samuwel 23:18

Yowabak toobokoytah yen Abiisay «Yaaxigen-Soddom» deqsita soddomuk abbah yen. Yowab kee Abiisay-ina Xaruya deqsitta barrak ten. Ayrok teena Abiisay inki macaxu luk sidooca bool yakke marat qeebi abeeh; too marak inkih yeyseh ken qideh.

1 Aydaad 18:12

Xaruya deqsitta barrah baxay migaaqah Abiisay deqsitak yenehiyya, ‹Qasbô-Golo› deqsita aracal Edom marat qeebi abeeh, too qeebil taban kee bacra alfih num keenik sele.