2 Samuwel 1:9 - NABUWWA KEE MALIKWA

⁹ Too waqdi yok iyyeemih, ‹Kaxxam mudduumeh rabam faxak, annah yol amay yoo qid› yok iyye.

2 Samuwel 1:9 ပူးပေါင်းရင်းမြစ်များ

2 Samuwel 1:10

Too waqdi rabi kaat xayim ubleeh, too waqdiik yinnikisseh rabu waam eexegeeh, kaal amma exceh kaa qideh. Amot luk suge dardaarinni-kalabta amok kaak kaleeh, kaadu carayat luk suge sookoyta kaak kalla heeh, yi amoytaw, ku fanah baahe» iyye.

2 Samuwel 1:8

‹Maa mari num kinnito?› yok iyye. Qamaalekih-yooboke-num kinniyom kaah warse.

1 Aydaad 10:4

Too waqdi silac kaah akkuquk suge furraynuh yan numuk iyyeemih, «A diini-maleelah tan Filistiin ummatta yoo qiddeh yol tirtirissaamak, ama tikyal lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.

Makaabon 9:54

Too waqdi kay silac abbaxuk suge furraynuh sissikuk secca 'yeeh, «Barra kaa qidde 'yaanamih migaq innit macabak, ama tabbixe seefit yoo qid» kaak iyye. Taaxige furraynii, xagarat kaak seef heeh kaa qide.

1 Samuwel 31:4

Too waqdi silac kaah akkuquk suge furraynuh yan numuk, «A diini-maleelah tan Filistiin ummatta yoo qiddeh yol tirtirissaamak, ama tikyat lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.