2 Samuwel 1:20 - NABUWWA KEE MALIKWA

²⁰ Ken raba Filistiin-baaxol mawarsina. Rabat keenik Gat magaalal mayaabinaay Askeloonul gitak addal mawarsina. Filistiin agbih qangaasal nee maabina. Yalla sinniih diini sinni ken say xaylo, nel africeey nel asuule ken kallaama.

2 Samuwel 1:20 ပူးပေါင်းရင်းမြစ်များ

Yacedkel 16:27

«Tonna leemiik koo digaaluuy, ku baaxoy barkat lehiyya koo waysiisuh ugteh en. Koo niqba *Filistiin maray atu abtah tan umâ-yabuli xiqe waahiyyah gabal koo hee.

Yacedkel 16:57

Abte umaane kok qaddowtaamak dumal, keenil asaaluk sugte. A saaku atu kaadu miduh elle yasuulen sahdaytó tekke. Edom kee Filistiin mari elle yasuulem koo. Ku deraafil yan mari koo bursuta.

Miika 1:10

Miika kaadu qagseh iyyeemih: «Filistiin mari elle yan Gat deqsitta magaalal xaagu mawarsina. Abtan weeqa isinnik able kala. Beetal-qafra deqsitta magaalah maraw, siinit takku waytaamah rookitay gomboduk bagul omborooroka.

Makaabon 11:34

Yeftac, Mixfal ten isi buxah yuduure saaku, kay baxá karambo aagarukuuy argaduk kaah garayte. Is usuk dibuk le baxák ten. Teetik sa xaylo maxalinna.

Makaabon 14:19

Too waqdi YALLIH Roocaaniyya cayla kaat hayteeh; Askalon deqsita arac fan gexxa 'yeh, soddom num qiddaay sara keenik kalla heeh, oson luk sugen qax-meqe sara woo ixig-ixiga yifdige marah yeceeh. Takkay immay tekkeemih naqabu xagarat luk isi abbah buxah yuduure.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

1 Samuwel 17:26

Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye.

1 Samuwel 17:36

Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.

1 Samuwel 18:6

Dawud, Filistiin-num qidda heeh amaatuk sugeeh; qaskar kaadu buxa fan elle amaatuk sugte ikkel, Israayil magaaloolik yemeete agbi gad abakaay argaduk karambo kee aki duyye aagaruk, Malik-Saawuluh matren.

1 Samuwel 31:4

Too waqdi silac kaah akkuquk suge furraynuh yan numuk, «A diini-maleelah tan Filistiin ummatta yoo qiddeh yol tirtirissaamak, ama tikyat lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.

1 Samuwel 6:17

Filistiin mari a koona dahabay laahi-baxxi-ceelok bicseenihiyya akah ruubeenim, Asdood kee Gat kee Askalon kee Gaada kee Ekron deqsitta magaaloolih mari abe dambik qafu geyaana'gidik ten.