2 Samuwel 1:2 - NABUWWA KEE MALIKWA

² Nammayhaytoh ayrok wadiril furraynuh yan awkii, Saawul macaxi mafdagah luk suge aracak, amol siisa heeh rookak gexxaamah sara isik qanxiseh, yemeete. Dawud fanah yemeeteeh kay assakaxxiyyah qansah baaxo xagam fan baaxok bagul qununna 'ye.

2 Samuwel 1:2 ပူးပေါင်းရင်းမြစ်များ

2 Samuwel 1:3

Too waqdi Dawud, «Ankek temeeteeh?» kaak iyye. Too awki iyyeemih, «Israayil mari macaxi mafdagah le aracak kudeh emeete» iyye.

2 Samuwel 13:19

Tohuk lakal Tamaari gombod amol isik caxxeeh xagarat le kames qanxisseeh foocal namma gaba isik hayya hayteh weeqak gexxe.

2 Samuwel 14:4

Too yaabal taaxige barra malikil gexxeeh, kay massakaxxah baaxo qansah xagtam fanah qununna inte. Sarrak, «Yi malikow, ku cato faxak emeete» inte.

2 Samuwel 15:32

Dawud qaleh amoy Yalla elle yaqbudeeni gufe waqdi, aamanuk yen kataysay migaaqah Cusaay deqsitaah, Qarka deqsita gulubuh aabakuk yenehiyya gee. Cusaay Dawudut tekkeemih sara isik qanxiseh yeneeh, amol ballaaqe luk yemeete.

2 Samuwel 24:20

Ornan addah wagga hee waqdi, malik kee kay gubal taamita maray kay fanah yamaatehiyya yuble. Too waqdi Dawuduk foocal massakaxxah qansah baaxo xagam fan qununna 'yeeh,

Aster 4:16

Inteemih, «Suusâ magaalal yan Yahuud marak inkih mododa inxic. Soomaay yoh kaadu dooqa aba inxic. Sidooca bar kee laqoh tu maaqabinaay makmina keenik inxic. Yoo kee yi taamat yan baxuw kaadu toh abenno. Tohuk lakal xintol umam kinnim aaxigeh immay, tohuh, malik fanah gexeyyo. Tohuh, rabi yol yemeetek, yamaatay» 'yaanam kaah rubte.

Aster 5:1

Sidooca ayroh too soomut sugga 'teh; gaba kalte saaku, ugutta 'teh malikwâ-sarat gacca 'teh gexxeeh, malik qarih daaratak adda le kabuk dardaarinni korsi addal akak tan qarik foocah temeete waqdi, sollu inte. Malik too waqdi dardaarinni-korsih amol daffeyak suge.

Yacedkel 27:30

Too mari inkih, siisa amol caxak, weeqeeniih; gombodut yubruken.

Hosiqa 6:2

Namma ayro kee sidiica ayrot, mano net gacseleeh; kay xaqul anenno.

Ayyuqel 2:13

Qaadiyyah sara isinnik qanxissaanam xiqtam mali. Abten umaaneh nadaamitta 'xicay qado baguuk yol uduura» yaanam iyye YALLI. YALLAY sin Dagelta kinnihiyyal uduura. YALLI maqaane leeh, racmatta le Dagelta. Kaxxa kacanu yaybulle Dagelta kinni. YALLI dagoomut mabagcarrita; digaalat mayasissikaay sahda abta umaaneh sahdah qafu aba Dagelta.

Yoosuwa 7:6

Too waqdi Yoosuwa abeh yan wariggah sara isik qanxiseeh; YALLIH Qahdih-Sanduguk foocal gommoh rade. Israayil makaabon kaadu toh abteeh; tokkel aben arka yaybulleeni'gidih amol siisa luk magrib tikki 'yam fan gommoh sugen.

1 Samuwel 20:41

Awki gexek lakal, Dawud sasot edde suge xaluuqah addak yewqeeh, assakaxxiyyah gulubuh gacca 'yeh sidiica adda gommoh rade. Too waqdi Yonaatan kee kaa titta fugutteh, numuuy numul weeqah hayya hee. Dawuduk afqado Yonaatan kaak baxsimam xiqe cinteeh, Yonaatanak muxxi biyaakite.

1 Samuwel 25:23

Abiigal Dawud tuble waqdi, danan elle cabba hayteh gexxeeh, kay massakaxxah baaxok bagul qansah baaxo xagtam fanah Dawuduk ibi gubal qununte. Too waqdi inteemih, «Yi abbaw, axcem yok oobbey. Usuk baahem yol cab.

1 Samuwel 4:12

Benyam kedoh yooboke numuy woo qeebik yisillimehiyya tokkek arduk, Siilô magaala fan too ayrot edde yemeete. Tekkeemih abeh yan rookah gital sara isik qanxiseh yeneeh, amol kaadu siisa luk yen.

1 Samuwel 4:16

Xaagu baahe num kaal yemeeteeh, «Carbi elle yekke ikkek ta saaku emeeteeh, akak kudeh emeetem too carbi» kaak iyye. Qeli kaak iyyemii, «Hay yi baxaw, tekkem yoh warisey, xaagi macaay?» kaak iyye.