2 Malikwa 9:6 - NABUWWA KEE MALIKWA

⁶ Tohuk lakal nammayak qari adda culeeniih; woo furraynuh yan nabi woo caxâ xaylok bicsan zeyti Yaahu amol caxeeh, kaak iyyeemih, «YALLAY Israayil doore Dageltah yanihiyya, ‹Israayil-maray yim kinnihiyyah malik takke'gidih koo askute› iyyah yan.

2 Malikwa 9:6 ပူးပေါင်းရင်းမြစ်များ

1 Malikwa 1:34

Tokkel isin sek Saaduk kee nabi Naatanak, Israayil malik yakke'gidih, kaa uskuta. Tohuk gaba kaltan waqdi, *baanta uguraay anay fayya haay, ‹Malik Suleeman ani haay! Malik Suleeman ani haay!› inxica.

1 Malikwa 10:9

YALLAY ku Dagelta kinni fayla taafay. Yalli isi mara xiinisa malikih koo doore waqdi, kot ruffa iyyem yuybulleeh. Toh akah abem, isi ummatta Israayil kulli way kicnaamih taagah, atu qadli kee cakkit ken xiinissa'gidi» inte.

1 Malikwa 14:7

Yarobqamak intu waytam koh warisu waak am» teetik iyye. Qari kaal culte waqdi, «YALLAY Israayil doore Dageltah yani, ‹Ummat addak doorru koo heeh, Israayil ummatay yi marah yanik malik koo abe.

1 Malikwa 16:2

Nabi-Yaahu, too farmo kaal qideeh kaak iyyeemih, «YALLI kok iyyemii, ‹Tu'numuh masuginnitooy; inkih tan Israayil ummattay yi ummat kinnik abba koo abe. Tonna'mmay Yarobqamak kaxxih dambi le taamat asseeh, Israayil ummat dambi le taamat asisse. Oson aban dambih yot naqbi haak suge.

1 Malikwa 19:16

Nimsi-baxa-Yaahu kaadu, Israayil-malik akah yakke innah, kaa uskut. Aabil-Macoola deqsitta magaalal yan Saafat-baxa-Eliisaq kaadu, ku lakal nabi akah yakke'nnah, kaa uskut.

1 Malikwa 3:8

Anu akah table'nnah, atu doorte maray mangah loowo akak duudume waytahiyyah abba yoo abteh tan.

2 Malikwa 9:3

Too waqdi a caxâ xaylok bicsen *zeytit amo kaak uskut. Sarrak, ‹YALLI kok iyyaamah: Israayil-malik takke'gidih koo askute› kaak inxicay, isih xayuk am; tokkel maadayina» iyye.

2 Malikwa 9:5

wokke gufe waqdi, qaskar-abbobti daffeyna hayteh kaah sugte. Too waqdi, «Qaskar abbaw, farmo koh baahe» iyye. Usuk toh iyye waqdi Yaahu, «Nek iyyah bahte?» iyye. Too waqdi, «Qaskar abbaw, koh baahe» iyye.

2 Aydaad 22:7

Acadya tokke Israayil malikit boysita'gidih abe gexo, Yalli baati kaal akah takke innah, abe. Usuk tokkel gexe waqdi, Yalli, kaa kee Yooramat, Nimsí-Yaahu deqsita num ruube. YALLI too num akah ruubem, Acab durruyyatih dardaarinna a numih gabat bayisa'gidik ten.

Yasaqya 45:1

YALLI, Kooris malik yakke'gidih doore. Ummattak qeebil yayse num yakke'gidih, kaa doore. Amoytittek tikiya kala'gidih, kaa ruube. YALLI, magaalah afoofi kaah fakeleeh, alifut tan afa kaah masugta.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

Daaniyel 4:17

Aham tiysixxigem, kulli waqdi bical tan malayka. Akah tiysixxigem, sahdayti xinto tamlikem, Yallay inkih daga raaqahiyyaay; tet isih faxe numuh yeceem ummatta inkih taaxagay; isih faxek abbootan ramma le numuh yecee» iyye› kaak exce.

Daaniyel 4:32

sahdak koo baxissa heenih dabqih alluwwa lih gacetto. Malcina sanatih gide laahi innah qayso akamuk sugetto. Sarrak Yallay inkih daga raaqahiyya a addunyah abbootan yamlikeeh, isih faxe marah yacayu duudam aaxigetto» kaak iyye.

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,

1 Samuwel 2:7

Gaddaleela sinam abtaah baacoytit sinam abtam kaa. Marak teena fayya haah; marak teena ramma haa.

1 Samuwel 2:8

Baacoytiitih suge mara caysah tu maleela gaddalisah. Malik xaylot ken missoysa; kaxxa marat ken missoysa. Baaxo elle tan rakiibo YALLIH imi; baad woo rakiiboh-bagul xise.