2 Malikwa 9:28 - NABUWWA KEE MALIKWA

²⁸ Kay qaskar-abbobti kay raysa faras-gaarit hayya heeh, wadir Yarusalaam fan gacse. Tokkel Dawud-Magaalah addal malik kee malik buxah mara edde yaaguqen kabri aracat kaa yoogoqen.

2 Malikwa 9:28 ပူးပေါင်းရင်းမြစ်များ

1 Malikwa 2:10

Sarrak Dawud amrih rabeeh, Yarusalaamal geytimta Dawud-Magaalal yaaxigen caafatal kaa yoogoqen.

2 Malikwa 23:20

Woo aroocal sugte mansafittel, seekâ-gurrah sadgatah baahan duyye gabal akak acayuk sugen mara inkih yusguudeeh, woo mansafittel sahda lafa cararise. Tohuk gaba kale waqdi, Yarusalaam fanah yuduure.

2 Malikwa 23:30

Kay gubal yen mari kay ginaada faras-gaarit hayya heenih Yarusalaam fan been. Tokkel malik kee malik buxah mara edde yoogoqen *kabrit kaa yoogoqen. Yuudâ-mari kay baxa Yowaacad dooreeniih; Yarusalaamal malik yakke'gidih kaa yuskuten.

2 Malikwa 8:24

Yacooram, Dawud-Magaalak malikwa kee ken mara elle yaaguqen kabri aracal yoogoqen. Kay baxay migaaqah Acadya akak axcuk yeneenihiyya kay aracal malik yekke.

2 Aydaad 22:9

Sarrak Acadya gorriseeniih Samaariyah magaalal yombooqoreh suge. Kaa geeniih, Yaahu fanah kaa beeniih tokkel raba kaal yuckumen. Takkay immay kay kaxxa abba Yacoosafat cormatah meqe magaqah kaa yoogoqen. Iyyeenimihii, «Kay kaxxa abba YALLI kicna taamah baguuk taamitak suge numuk ten» iyyen. Acadyâ-xaylo kee ramaday kay lakal dardaarahiyya maraaqinna.

2 Aydaad 25:28

Ginaada kaak farasal hayya heenih Yarusalaam fanah beeniih, tokkel Dawud-Magaala deqsita caafatal malik buxah mara edde yoogoqen kabrit kaa yoogoqen.

2 Aydaad 35:24

Edde suge gaarik kalla kaa heeniih, nammeyhaytô-gaarit korissa kaa heenih Yarusalaam fanah kaa been. Wokkel rabeh; malik kee malik buxah mara edde yaaguqen kabri aracat kaa yoogoqen. Yuuda kee Yarusalaam ummat yakkeenimik rookat kaah sugen.