2 Malikwa 9:19 - NABUWWA KEE MALIKWA

¹⁹ Too waqdi aki qaskariita ruubeeniih; too num kaadu, «Malik, ‹Akah, temeetem nagaynaa?› kok iyyah yan» kaak iyye. Yaahu woo numuk kaadu, «Wohut waytam mantuk, darret yok gac» iyye.

2 Malikwa 9:19 ပူးပေါင်းရင်းမြစ်များ

2 Malikwa 9:11

Sarrak Yaahu woo is lih tan qaskar abbobti fan yuduure waqdi, keenik numuk teeni kaak iyyemii, «Nagaynaa? Ama cabuli akah yemeetem macaa?» kaak iyye. Usuk keenik, «Usuk kinni num maay taaxigeeni? Edde yaabe yab maay teexegen?» keenik iyye.

2 Malikwa 9:17

Yidraqel magaalal sinam akak wagtan fayya le aracal suge dacayrih yan qaskariiti, Yaahu kee kay mara amaatih yuble. Too waqdi, «Sinam amaatih able» iyyeh deero abe. Yooram iyyemii, «Naqboytit kinnoonum kee kacnoytit kinnoonum keenik yubleh yamaatu waa num farasat rub» iyye.

2 Malikwa 9:18

Farasat yan num Yaahu fan yemeeteeh, too waqdi iyyemii, «Malik, ‹Akah, temeetem nagaynaa?› kok iyyah yan» kaak iyye. Yaahu kaal gacsemii, «Wohut waytam mantuk, darret yok gac» kaak iyye. Sarrak woo fayya le aracal dacayrih suge qaskariiti iyyemii, «Farasat gaceh gexe num akah gexe mara fan gufeh immay aduurih kaa mabla» iyye.

2 Malikwa 9:20

Dacayrih yan num kaadu qagteh, «Farmoh rubten num sinam fan gufeh immay aduurih kaa ableh maanaay; yamaate marak foocat yan num faras, cabuli innal, yayraddeh yaniih; hununuh Nimsi-baxak-baxi-Yaahu elle ayradduk yene innal yayraddeh yan» iyye.

Yasaqya 48:22

«Umaane le mari amaan mageya» 'yaanam iyya YALLI.