2 Malikwa 9:17 - NABUWWA KEE MALIKWA

¹⁷ Yidraqel magaalal sinam akak wagtan fayya le aracal suge dacayrih yan qaskariiti, Yaahu kee kay mara amaatih yuble. Too waqdi, «Sinam amaatih able» iyyeh deero abe. Yooram iyyemii, «Naqboytit kinnoonum kee kacnoytit kinnoonum keenik yubleh yamaatu waa num farasat rub» iyye.

2 Malikwa 9:17 ပူးပေါင်းရင်းမြစ်များ

2 Samuwel 13:34

Oson tohut yanin waqdii, Absalaam woo arac cabeh kude. Sarrakaay dacayrih suge qaskariiti butta yakke mari Coronyim qaleh gitaak amaatih yuble. Too waqdi woo qaskariiti malikil gexeeh yublem kaah warse.

2 Samuwel 18:24

Dawud, magaala akak culan afa kee, magaalak akak yawqen afak fanal yan aracal, daffeynat suge. Dacayrih yan numuy magaalak gasoh culmeynah amol yewqeh sugehiyya wonna wagga hee waqdi, dibuk yarde numuy kaa fanah yamaatehiyya yuble.

1 Malikwa 2:15

«Akah taaxige innah, yi abbah arac ciggiltaah malik takkem yook teneeh; inkih tan Israayil ummat malikih loowitak sugtem yook ten. Tohim makkinnaay, yi toobokoyti malik yekke. Tohim kaadu YALLAK yemeete amrih tekkeemi.

2 Malikwa 7:14

Too gexoh sahdak tu takkem dooreeniih; too waqdi malik namma faras-gaarit ken hayya heeh, «Tekkem wagita» axcuk, Suuriyah-qaskarak lakat ken ruube.

2 Malikwa 9:11

Sarrak Yaahu woo is lih tan qaskar abbobti fan yuduure waqdi, keenik numuk teeni kaak iyyemii, «Nagaynaa? Ama cabuli akah yemeetem macaa?» kaak iyye. Usuk keenik, «Usuk kinni num maay taaxigeeni? Edde yaabe yab maay teexegen?» keenik iyye.

2 Malikwa 9:16

Tohuk lakal usuk isi faras-gaarit koreh Yidraqel fan daqaarime. Yooram wokkel woo mudumuk ure'kal yeneeh; Yuudâ-malikih yen Malik-Acadya kay bossah wokke kaa fan gexeh yen.

2 Malikwa 9:18

Farasat yan num Yaahu fan yemeeteeh, too waqdi iyyemii, «Malik, ‹Akah, temeetem nagaynaa?› kok iyyah yan» kaak iyye. Yaahu kaal gacsemii, «Wohut waytam mantuk, darret yok gac» kaak iyye. Sarrak woo fayya le aracal dacayrih suge qaskariiti iyyemii, «Farasat gaceh gexe num akah gexe mara fan gufeh immay aduurih kaa mabla» iyye.

2 Malikwa 9:19

Too waqdi aki qaskariita ruubeeniih; too num kaadu, «Malik, ‹Akah, temeetem nagaynaa?› kok iyyah yan» kaak iyye. Yaahu woo numuk kaadu, «Wohut waytam mantuk, darret yok gac» iyye.

Yasaqya 56:10

Israayilit dacayrih yan mari inkih, inti-maleelaay iggimaleela. Oson dacayrih buxat yan kutay tu yableemih kaaye waahiyyah gide. Deerih gacca 'yeenih xiinan. A mari manxu xin kicna. Soonitaanamak sa abaanam malon.

Yasaqya 62:6

Yarusalaamey, ku gasoh afal koo dacrissa mara koh hee. Oson bar kee laqoh tibba m'iyyan. YALLI cule xagana YALLA kassisa maraw, aadayi mahaytaanay YALLI Yarusalaam daabissa haah addunyal faylisan magaala tet abam fanah aadayi kaa mahaytan.

1 Samuwel 16:4

Samuwel YALLI kaak aba elle iyye'nnal abeeh, Beetlacam magaala gexe. Tokkel too magaalah-abbobti, Samuwel tuble waqdi, wariggitteh intemii, «Ni abbaw, akah temeetem nagayna innaa?» kaak iyyen.

1 Samuwel 17:22

Dawud kaal ruuben maaqo, maaqoh afat yen numul cabba heeh, qeebi elle yakkem faxa'kke fan yerdeh toobokot yongooroweeh, salaamatta keenih abe.