2 Malikwa 9:12 - NABUWWA KEE MALIKWA

¹² «Aleey, maaxaginninok, neh warisey» kaak iyyen. Too waqdi usuk keenik iyyemii, « Usukuuy, ‹YALLI kok iyyaamah: Israayil-malik takke'gidih koo askute› 'yaanam yok iyye» keenik iyye.

2 Malikwa 9:12 ပူးပေါင်းရင်းမြစ်များ

1 Malikwa 19:16

Nimsi-baxa-Yaahu kaadu, Israayil-malik akah yakke innah, kaa uskut. Aabil-Macoola deqsitta magaalal yan Saafat-baxa-Eliisaq kaadu, ku lakal nabi akah yakke'nnah, kaa uskut.

2 Malikwa 9:11

Sarrak Yaahu woo is lih tan qaskar abbobti fan yuduure waqdi, keenik numuk teeni kaak iyyemii, «Nagaynaa? Ama cabuli akah yemeetem macaa?» kaak iyye. Usuk keenik, «Usuk kinni num maay taaxigeeni? Edde yaabe yab maay teexegen?» keenik iyye.

2 Malikwa 9:13

Oson too waqdiik, usuk elle yawqe mawqeenah bagul, sinni sara qidda heenih *baanta yoogoren. Sarrak anay fayya haak, «Yaahu malik yekke! Yaahu malik yekke!» 'yaanam iyyen.

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,