2 Malikwa 8:9 - NABUWWA KEE MALIKWA

⁹ Too waqdi Cadayel morootom rakub Damaskoh magaalal enna 'ta meqe duyyek eerra heeh Eliisaq fan gexe. Kaa fan yemeete waqdi iyyemii, «Ku baxi Banihadad, lakimak ure lem kee ure waam koo essera'gidih yoo ruube» iyye.

2 Malikwa 8:9 ပူးပေါင်းရင်းမြစ်များ

1 Malikwa 14:3

Tabna gaqamboyta kee gasiita kee malabak-buuti gabat kaah bey. Sarrak baxi nek lakmisam kaah warisaay; qaffootam keh kaa esseray am. Takku waytam koh warselek» teetik iyye.

1 Malikwa 15:18

Toh yuble waqdi, Aasa YALLIH Qibaadah-Qarih adda kee, isi buxak duyye elle daanisan aracal dahab kee lakqok sugga 'tem weerra heeh beeh, kay gubal doolatat abbootan luk yen marih gabal, Damaskoh magaalal Suuriyah malikih yen Banihadad deqsita malikih acwah ruube. Banihadad Tabrimmon deqsita numuk baxak teneeh; Cedyon deqsita numuk kaadu baxi baxak ten.

1 Malikwa 19:15

Too waqdi YALLI kaak iyyemii, «Akah temeete gita uduur. Damaskoh magaalak sinam elle deedalta'kke fan gexxa 'xicay. Sarrak magaala culaay Cadayel, Suuriyah-malik akah yakke innah, kaa uskut.

2 Malikwa 1:2

Israayil-malikih yen Malik-Acadya isi qarih amol yen qarik taagat boohaahik radeeh, kaxxam biyaakite. Too waqdi Filistiin-magaalay migaaqah Ekron deqsittahiyya Baqal-Dabub-deqsittaamay yalla 'yeenih yaqbudeenihiyyal woo biyaakak uram kee ure wayu waam esseraana'gidih, farmoh sinam ruube.

2 Malikwa 13:14

Wohuk duma, nabi-Eliisaq kaxxa lakimah lakmiseeh; kaxxam biyaakitaah deerih yan waqdi, Israayil malikih yen Yahoqas kaat boysita'gidih yemeete. Kaa yuble waqdi amol kaak weeqeeh, «Yi abbaw, yi abbaw, Israayil kalaluh lem kook sugte» axcuk boogise.

2 Malikwa 16:7

Acad sarrak Assuuriyah malikih yen Tiglat-Fileeser fan farmo ruube. Iyyeemih, «Anu atu aba axcinnaanim abaah, ku amrih yan num kinniyo. Tonna'mmay ta saaku yoh amay, Suuriya kee Israayil qaskaray yoh gaaddahiyyak yoo cat» 'yaanam farmoh ruube.

2 Malikwa 5:13

Too waqdi kay gubal yan mari kaal gexeh kaak iyyemii, «Yi abbaw, nabi gibdim ab kok iyyek, woh abe raarreh tanik. Away hay, nabi kok akah iyye innah urta'gidih, gexxeh macah kaqale waytaa?» kaak iyyen.

2 Malikwa 5:5

Too waqdi malik iyyemii, «Gexay; Israayil-malikih warkat ruubeyyooh kaal ucuy» iyye. Niqmaan lakqok soddom alfih garsi takkem kee dahabak laca alfih cabbataay, kalah kaadu sartanak tabna cabbat gabat hayya heeh wokke gexe.

2 Malikwa 6:21

Israayil malik a Suuriyah-mara yuble waqdi, «Yi abbaw, ken qidoo? Ken qidoo?» iyye.

1 Samuwel 25:8

‹Tohimih digga faxxek, ken esseraay oson koh warselon. Tonna'mmay edde nemeetem qiddi ayrok tanih tanik, qibnaytiinoh nee arcibisaay duddam yooy ku baxah yani kee ku masaakiinay kol ruubehiyyah tama maral neh rub kok iyye› kaak inxica» iyye.

1 Samuwel 9:7

Saawul, «Kaal genxa waqdi maca kaah aceenno? Olot luk sugne maaqo tembexeeh, Yallih numul foyyâ-gabah genxam mameqek, gabat tu maay lino?» iyye.