2 Malikwa 8:28 - NABUWWA KEE MALIKWA

²⁸ Malik-Acadya, Suuriyah malik kee Israayil malikiy Yooram deqsitahiyya qeebi abte saaku, Israayil malikih qaxat gacca 'yeh Suuriyah malikit qeebi abe. Too qaskar Gilqad rasuk Raamot magaalal gaba kee gabah toome. Too qeebit Yooram mudduume.

2 Malikwa 8:28 ပူးပေါင်းရင်းမြစ်များ

1 Malikwa 19:17

Cadayel-gabat rabaamih meysih kude num Yaahû-gabat rabele. Yaahuk kude num kaadu Eliisaq-gabat rabele.

1 Malikwa 22:29

Tohuk lakal Malik-Acabay Israayil malikih yenehiyya kee Malik-Yacoosafatay Yuudâ-malikih yenehiyya Gilqad rasul ten Raamot-magaalah gaaduh gexen.

1 Malikwa 4:13

Geber-baxi abbah akak yenem, Gilqad rasul tan magaalay Raamot deqsita kee, Yaaqir-gulubuy Manassek radehiyyah mandarway Gilqad-rasul enni 'ta kee, Basan-rasuk Argob deqsita aracal geytimta lactam takke magaaloolik ten. Too lactam magaala inkih gasoosa maroh edde teneeh; gasoosah alfentah nacaasak bicsen biriita luk ten.

2 Malikwa 3:7

Sarrak Malik-Yacoosafat fan farmo ruube; kaak iyyemii, «Mooyab-rasih-malik qeebi yot abam faxak, atu qeebil yoo cate mantuu?» kaak iyye. Malik-Yacoosafat kaal gacsemii, «Yeey, yoo kee yi qaskaraay yok faarisih agantah, num nek maraaqaay inkih ko'lih gaadennok,

2 Malikwa 8:15

Takkay immay nammayhaytoh ayro Cadayel guula bahha heeh leet arqussa heek lakal, malik quxuuseh edde qide. Sarrak Cadayel Banihadad arac ciggiileeh malik yekke.

2 Malikwa 8:29

Sarrakaa, mudumuk uram fanah, Yidraqel magaala fanah yuduure. Acadya kaat boysita'gidih tokke gexe.

2 Malikwa 9:1

Too saaku nabi Eliisaq furraynah tan nabuwwak numuk teenah seeceh iyyemii, «Raamot rasul tan Gilqad deqsitta magaala gexxa'gidih bical gac. A xalay addat akak caxâ xaylok bicsen *zeyti (saliid) yanihiyya gabat bey.

2 Malikwa 9:14

Tohuk lakal, Yaahu, Malik-Yooramay Yidraqel magaalal yenehiyyak abu waamal malse. Malik-Yooram, Raamot-rasul Cadayel deqsita Suuriyah-malik lih abe qeebit mudduumeeh; qaffoota'gidih Yidraqel fan gexeh yen. Yaahu is innah tan qaskar abbobtih tan labhak iyyemii, «Yi mara tekkeenik, Raamot magaalak num siinik awqe waay; Yidraqel magaalah marah garci num siinik kale waama» keenik iyye.

2 Malikwa 9:16

Tohuk lakal usuk isi faras-gaarit koreh Yidraqel fan daqaarime. Yooram wokkel woo mudumuk ure'kal yeneeh; Yuudâ-malikih yen Malik-Acadya kay bossah wokke kaa fan gexeh yen.

2 Aydaad 18:31

Oson Malik-Yacoosafat yublen waqdi, yakkeenimiik inkih Israayil malik kaa yekkeleeniih; too waqdi kaa yabbaxoonuh kaa fan yenkeleeleben. Takkay immay usuk xongolo abe waqdi YALLAK cato geeh, Yalli aki kabul ken yuyfukune.

2 Aydaad 19:2

Canaaní-Yaahu deqsita nabi kaal yemeeteeh too waqdi kaak iyyeemih, «Uma-taama abaah YALLIH naqabu xagarat le mara lih gacaanam gitah abtem kot celtaa? A saaku atu abtem YALLIH naqabu koh xalteh tan.

2 Aydaad 22:5

Too marih fayuh Suuriyah malikiy Cadayel deqsitahiyya kee Israayil malikiy Yooram deqsitahiyya qeebi abte saaku, Israayil malikih qaxat gacca 'yeh Suuriyah malikit qeebi abe. Too qaskar Gilqad rasuk Raamot magaalal gaba kee gabah toome. Too qeebit Yooram mudduume.

Yoosuwa 21:38

Gaad-kedok affara magaala keenih yeceen. Tohumuu, Gilqad rasul tan Raamot magaalay megloh heenihiyya kee Macanaayim kee Cesbon kee Yaqder kee woo magaaloolih dariifal tan lacti malaalah baaxo inkih keenih yeceen.