2 Malikwa 8:15 - NABUWWA KEE MALIKWA

¹⁵ Takkay immay nammayhaytoh ayro Cadayel guula bahha heeh leet arqussa heek lakal, malik quxuuseh edde qide. Sarrak Cadayel Banihadad arac ciggiileeh malik yekke.

2 Malikwa 8:15 ပူးပေါင်းရင်းမြစ်များ

1 Malikwa 15:28

Taham edde tekkem, Aasa Yuudâ-malik edde yekke sidochaytô sanatak ten. Sarrak Baqsa kay aracal isih malikih gace.

1 Malikwa 16:10

Dimri qari kaal culla 'yeh kaa qideeh; kay aracal isih malik yekke. Toh akah tekkem, Aasa Yuudâ-malik edde yekke labaatanna kee malcinhaytô sanatat yen saaku.

1 Malikwa 16:18

Dimri, magaala yibbixeenim yuble waqdi, malik elle gaca qarik iqiyat edde rebsiman golit culeeh qarit gira ruube. Too girat carareh edde rabe.

1 Malikwa 19:15

Too waqdi YALLI kaak iyyemii, «Akah temeete gita uduur. Damaskoh magaalak sinam elle deedalta'kke fan gexxa 'xicay. Sarrak magaala culaay Cadayel, Suuriyah-malik akah yakke innah, kaa uskut.

2 Malikwa 15:25

Ayrok teena Fekacya-qaskar-abbobtik numuk teenah yen Fekac deqsita num, kontom numuy Gilqad-rasuk temeetehiyya wakalih haysitta heeh, Fekacya Samaariyah addal malik qarik iqiyal edde rebsiman golik addal yan waqdi, amma 'yeenih, kaa kee gersi namma numuy Argob kee Ariye deqsittehiyya qiden. Tohuk lakal Fekac kay aracal isih malik yekke. Fekac Ramalyaahû-baxak ten.

2 Malikwa 15:30

Quddiyya-baxi-Yootam Yuudak malik edde yekke labaatanhaytô sanatat, Eela-baxi-Hosiqa, Fekac qidaamal malse. Sarrak kaa qideeh; kaa qidek lakal kay aracal isih malik yekke.

2 Malikwa 8:10

Eliisaq kaak iyyemii, «Kaal uduuray, ‹Uretto kok iyye› kaak inxic. Takkay immay YALLI kay raba yoo yuybullee» iyye.

2 Malikwa 8:13

Too waqdi Cadayel iyyemii, «Anu tu'num hinniyok, a gideh takke qande mankek baaheyyo?» iyye. Eliisaq too waqdi kaak iyyemii, «YALLI atu Suuriyah-malik akkettom yoo yuybulle» iyye.

2 Malikwa 8:28

Malik-Acadya, Suuriyah malik kee Israayil malikiy Yooram deqsitahiyya qeebi abte saaku, Israayil malikih qaxat gacca 'yeh Suuriyah malikit qeebi abe. Too qaskar Gilqad rasuk Raamot magaalal gaba kee gabah toome. Too qeebit Yooram mudduume.

2 Malikwa 9:24

Too waqdi Yaahu qandek leemiik gaysê-baxa darre le kabuk buucusut kaak hee. Woo gaysê-baxi afqadot kaak rade. Too waqdi Yooram isi gaarik bagul yinnikisseh edde rabe.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Miika 2:1

Miika kaadu iyyeemih, «Deerih gacca 'yeh umam acsubuk xiina maraw, woyyow siinit takku waytaamow! Toh abtoonu duddaanamih sabbatah, maaci maacisa waqdi, xayih bar acsubuk xinten umaanet assan.

1 Samuwel 24:13

Dumî-mari missilah, ‹Uma marak umam tawqe› 'yaanam axcuk neh sugen. Tonna-leemik anu innih koo maxaga.