2 Malikwa 8:12 - NABUWWA KEE MALIKWA

¹² Cadayel too waqdi, «Yi abbaw, macah weqta?» kaak iyye. Eliisaq kaak iyyemii, «Israayil maral bahtu wayta umaane aaxigeemih sabbatah weeqah an» iyye. Qagteh kaadu kaak iyyemii, «Gaso maroh edde tan magaaloolit keenik gira ruubetto. Furrayna keenik seefit qidetto; qunxa urri-xaylo tafqetto; soolimak xaylo baguk ayyaaqetto» kaak iyye.

2 Malikwa 8:12 ပူးပေါင်းရင်းမြစ်များ

1 Malikwa 18:13

Malik barrah tan Idebal nabuwwa qidak ten saaku, anu bool nabi namma kontomul baxissa heeh gablah addat ken uqurat makmok maqub amoh keenih baahak suge num kinniyom maay toobbee?

1 Malikwa 19:17

Cadayel-gabat rabaamih meysih kude num Yaahû-gabat rabele. Yaahuk kude num kaadu Eliisaq-gabat rabele.

2 Malikwa 12:17

Too dabaanal Suuriyah-Malik-Cadayel, Gat-deqsitta-magaala yibbixeh gabat raaqiseh yen. Sarrak Yarusalaam kaadu yabbixeemil malse.

2 Malikwa 12:18

Malik-Yooqas, kaak naharat sugte malikway Yacoosafat kee Yooram kee Acadya deqsitak sugtehiyya YALLIH qibaadah baaheenih sugen mattacot, isi mattaco osissa heeh, kalah kaadu Yallih Qibaadah-Qaril duyye edde daanisan aracat suggu 'ye dahab kee, malik qarit suggu 'ye dahabak tu macabinnay inkih Malik-Cadayelih mattacoh ruube. Too waqdi Malik-Cadayel isi qaskar Yarusalaamak yeyseerreh.

2 Malikwa 13:22

Suuriyah malikih yen Cadayel, Yowaahad malikih suggu 'yem fan Israayil marat xukkutak suge.

2 Malikwa 13:3

Tohuk gexxaamah, YALLI Israayil yinqibeeh; Suuriyah malik Cadayel kee kay baxay Banihadad deqsite keenit ruube. Too qaskar Israayil marak mango adda teyse.

2 Malikwa 13:7

Yowaahad qaskarak raqtem dibuk kontom qaskariitay faras amok qeebi aba kee, tabna gaariy faaris beyahiyya kee ibi qaskarak tabna alfih numuk ten. Wohuk fulah raqtem Suuriyah malik keenik selli heeh, keenit ballaaqet akah yaaqiten innah aaqatuk suge.

2 Malikwa 15:16

Manacem Tirxâ-magaalak amaatuk suge waqdi, Tifsac-magaala inkitanuuk bayse. Tet addal suge mara seleh. Toh akah abem, woo magaalal suge mari gaba yacayu cineemih abe. Tet dariifal tan arooca inkih bayseh. Idqa agabuk kinni way bagu fake.

2 Malikwa 4:28

Sarrak is kaak intemii, «Yi qammow, baxa yoh ucuy kok maay exce? Niya yot mahaysin, kok maxacciyoo?» kaak inte.

Yasaqya 13:16

Xaylo oson abalih ken foocal duubuyak qidelon. Buxa keenik buubelon; agabu keenik cayliselon» iyye.

Yasaqya 13:18

Ta mari gayse kee gaysê-baxat furrayna qidele. Salaadah maracmataanaay qunxa urruh maxuwaawan.

Hosiqa 10:14

Sin marat qeebi akkeleeh; koositih bicissen arooca foyyaase siinik lon. Malik Salman Beet-Arbel magaala carbit bayse saaku tekkem akkele. Too saaku inaani kee xaylo umâ-yabulit raben.

Hosiqa 13:16

Samaariyah mari yi yab cineemih sabbatah, digaala keenil tamaate. Xaylo keenik carbit rabele. Qunxa urri keenik xeetil tafqelon. Bagut le agabuk bagu fakelon» iyye.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Qaamus 1:13

Qaamus kaadu qagissa heeh iyyemii, «Aham YALLI iyyaama. ‹Qammonuh yooboke mari fiiruk geerah dambi le taama abeenih; tohuk gexxaamah ken digaaleyyom digga le. Carbit Gilqad baaxo abbixenno 'yaanam niyal haak, soonibih yan agabuk bagut tan xaylo yeyyeeqen.

Naacum 3:10

Toh teetih xiqtem maliiy; ellecabol too magaalah mara seewah marin baaxo been. Tet xaylo xaal tafaqqa heenih, baaxot qiden. Teetil abbobtih suge mara silsilatat axuyya heenih beeniih, ken seewah bee mari saami caxxa keenil qide.