2 Malikwa 8:1 - NABUWWA KEE MALIKWA

¹ Dumih ayro Eliisaq, baxah rooci akak gacse barray dabqih Suunem rasul tenehiyyak iyyeh sugeemih, «YALLI a baaxol malcina sanatih gide sugu waa qulul ruubam faxak, atu is kee isi buxah marah gexay dabqih gersi ikkel gac» 'yaanam teetik iyyeh yen.

2 Malikwa 8:1 ပူးပေါင်းရင်းမြစ်များ

2 Samuwel 21:1

Dawud malikih suge dabaanal qulul radeeh, woo qulul sidooca sanat suge. Too qululih sabbatah Malik Dawud YALLAL fayu essere. YALLI kaak iyyeemih, «Saawul kee kay buxah marat biili yan. Sahday qideeni biili uxih keenit yan. Qideenim Gibqon mara. Rob siinih akah rade waam tohu» kaak iyye.

2 Samuwel 24:13

Dawud xiinik ugte waqdi, Gaad kaal yemeeteeh, YALLI kaah ruube farmo kaah warse. Kaak iyyeemih, «YALLI, ‹Sidooca sanatih qulul kee, sidooca alsa naqboytit koo ayraradduk sugtam kee, sidooca ayro tabu le dalka siinit ruubaamak, kol aysinnaanim doorit› kok iyye. Taway intu waytam cubbus; axcinnaanim YALLA fan gacsam faxak» kaak iyye.

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

1 Malikwa 18:2

Eliyyas malikih yambullee'gidih gexe. Samaariyal ibak-gibdi qulul radeh yan.

2 Malikwa 4:18

Woo awki yembe saaku, daro edde orbisan waktit, isi abbay daro orbisa mara luk taamitehiyya fan gexe.

2 Malikwa 4:36

Eliisaq Gecdih secca 'yeh, «Awki inak, ‹Am› inxic» iyye. Awki ina woo qari culte waqdi, «Ku baxi ah kaana» teetik iyye.

2 Malikwa 4:38

Eliisaq Gilgal-magaala fan yuduure saaku, too baaxol qulul radeh yen. Ayrok teena Eliisaq butta takke nabuwwa barisak suge waqdi, isi taamah numuk iyyemii, «Kaxxa disti giral xikay maaqo neh bicis» iyye.

2 Malikwa 7:20

Hununuh tohim Eliisaq elle iyye innal tekke. Usuk rabeh; magaalak culmeynal ummattah itqat rabe.

2 Malikwa 8:2

Eliisaq teetik elle iyye innal, abteeh; is kee isi buxah mara gexxeh, Filistiin-rasul malcina sanat sugte.

Ermiyaas 25:29

Ama magaalay yi migaq addal akak yanihiyyat baati ruubam qimbisek, hay, isin gersi maraw, digaalak cattiimettoonum maay akkaluk sugten? Digaala raq siinik matallaay; carbit sin selu waa mara siinit ruubeyyo. Addunyâ bagul yan marak inkih toh abu waama. Tah intam yoo Nabaamak Naba YALLA› 'yaanam keenik inxic» yok iyye.

Qaamus 4:6

YALLI qagissa heeh iyyaamah, «Anu afah xagtan maaqo waysissa sin heeh, inkih tan magaaloolit siinik qulul ruube'mmay, toh ubulla hayteenih yol maaduurinniton.

Caggay 1:11

Baaxooy, koomaamiiy, buqreh aroocaay, qinab xaylo elle taabuke aroocaay, *daytuun xala cooxuuy, baaxol ubukka 'taamay tankammehiyya kee, ummataay laa kee saqal inkih qabar ruubeyyo. Abtan taamak tu morbissan» inta farmo keenih ruube.

Ruut 1:1

Makaabon Israayil baaxol dardaarak ten saaku, Israayil baaxol qulul rade. Too waqdi Alimelek deqsita num, lab-xayloh nammay kee barra gabat hayya heeh, Yuudâ-baaxok Beetlacam deqsitta magaalak Mooyab deqsita marih baaxo fan dulah gexe. Kay barra migaaqah Noqmi deqsitak ten. Teetik lab xayloh nammay kaadu migaaqah Maclon kee Kilyon deqsitak yenen. Alimelek akah yoobokem, Efrat deqsitta gulubuk ten.