2 Malikwa 7:10 - NABUWWA KEE MALIKWA

¹⁰ Too waqdi wokke cabeenih gexen. Sarrak Samaariyah-magaala yemeeteeniih gasoh afal suge qaskariitah seecen. Iyyeenimii, «Nanu Suuriyah-marih arac genxeeh wokkel num maballinooy, numtin anay kaadu maabbino. Faariisa kee danoona axawat teneeh, siraqwa kaadu Suuriyah mari elle cabba hee innal ten» iyyen.

2 Malikwa 7:10 ပူးပေါင်းရင်းမြစ်များ

2 Samuwel 18:26

Sarrak dacayrih yan num kaadu gersi numuy dibuk arduk yamaatehiyya yuble. Gasoh afat dacayrih yan numuk iyyemii, «Gersi numuy yarde yamaatem maay tablee?» iyye. Malik kaadu iyyemii, «Tama num kaadu meqe-xaagu baaha numu» iyye.

2 Malikwa 7:11

Qaskar woo xaagu warisseeh; xaagi malik-buxal yontoobbeh.

2 Malikwa 7:9

Sarrak tittak iyyeenimii, «Aham abnam nel matan. Away geyne-meqe-xaagu ninnit ayseede waynaama. Maaci maacissa 'yam fan aham warse'kal sugnek, digaala nel amaatele. Tonna-leemik away xayuk genxeh malik-buxah warisnay» iyyen.

1 Aydaad 16:38

Yedutun baxay Yoobad-Edom deqsita kee lactam kee bacra numuy usuk akah yooboke kedok kay gulubut raaqak tenehiyya a taamal Asaf-gubal kaa catak yenen. Coosa kee Yoobad-Edom kaadu Qibaadâ-Qarih-afoofi dacrisak yenen.

2 Aydaad 23:19

Tohuk kalah kaadu, Qibaadâ-Qari taahir maliinoh yamaate mara waasu waa maray Qibaadâ-Qarik culmal dacayrih gacu waahiyya doore.