2 Malikwa 6:33 - NABUWWA KEE MALIKWA

³³ Usuk a yaabak gaba kale waqdi, malik yemeeteeh iyyemii, «A umaane nel bahtem YALLA kinni way, tuk teena neh abele exceh macah kaa qambaala?» iyye.

2 Malikwa 6:33 ပူးပေါင်းရင်းမြစ်များ

2 Malikwa 3:10

Too waqdi Malik-Yooram iyyemii, «YALLI, sidocuy nakkek Mooyab-malikih gabal nee haam faxeh yan; ahaysa abnam neh maraaqinna!» iyye.

2 Malikwa 7:1

Eliisaq kaak iyyemii, «YALLI iyyam oobbey. Beera ta waqla kamadik sidooca-kiilo Samaariyah-magaalat maroh tan gasok culmal, lakqok inki-garsit xaametton. Gabru deqsitta darok kaadu lica-kiilo lakqok inki-garsit xaametton» iyye.

Yasaqya 26:3

Isi gital digga 'ye mara cooca sinni amaanal xiinissa. YALLAW, too mari kol kibaal haak, wagriiy amaanal ken xiinissa.

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Yasaqya 8:17

YALLI isi marak is yooqoreh immay anu niyak kaa aamineeh; niya elle liyom kaa.

Yasaqya 8:21

Niya akak tiddigilleeh qululte ummatta baaxot meekitele. Qulul ken yabbaxu waa waqdi bagcarriteloonuuh isinni malik kee Yalla xaafelon. Qaran gubaak wagga heeloonuuh

Ermiyaas 2:25

‹Israayil ummatey, Yalla akke sinni duyye taqbudeeni'gidih ib-qassih magexina. Katla isinnik foyyah makafsina› 'yaanam siinik exce'mmay isin, ‹Aleeyyah, ahaysa manaduura. Marin mari yaqbudem naqbudem kicinnoh, akak maraqna› 'yaanam inten.

Yacedkel 33:10

YALLI kaadu qagseh, yok iyyeemih, «Israayil marak intaamah: ‹Isin, «Nanu abne dambi kee qellat nel yemeggeh yan. Edde nanim baati. Taway tahak mannal catimnu dudnaah?» 'yaanam intan› keenik inxic.

Qaamus 3:6

Carbi yaniimih warsah kaayisan baanta magaalah addal kaayisan waqdi, ah yaabbeh meysite waa num maay yan? Mayan. Yallih amri maleh magaalat umam takkem bictaa? Mabicta.

Cabakkuk 2:3

Away koh warisu waam edde takku wayta ayro uxih taniimih sabbatah, uktubay sug. Takkay immay maxeeriiy, too ayro xayuk amaatele. Anu koo ayballayu waam nummah akkele. Raagelem akkaletto'mmay takkem fanah qambaalay sug. Udurra mabtaay, akkele» iyye.

1 Samuwel 31:4

Too waqdi silac kaah akkuquk suge furraynuh yan numuk, «A diini-maleelah tan Filistiin ummatta yoo qiddeh yol tirtirissaamak, ama tikyat lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.