2 Malikwa 6:32 - NABUWWA KEE MALIKWA

³² Sarrak Eliisaq baahu waa mara ruuba. Toh tekke waqdi Eliisaq, kaal temeete idoola lih isi buxal daffeyak yen. Malik ruube mari gufe'kal yan waqdi, Eliisaq woo idoolak, «Woo biileeni yoo qidu waa num ruubeh yan. Usuk akke yamaate waqdi, qari-afa alifay cule kaa kala. Malik kaadu kaak darret yan» iyye.

2 Malikwa 6:32 ပူးပေါင်းရင်းမြစ်များ

1 Malikwa 14:6

Aciiya qarik afak cultaamih karbaaca teetik yoobbe waqdi teetik iyyeemih, «Annah culey, Yarobqam barra kinnitom kok aaxigehik, aki weelot akah gacteh temeetem macaa? Cul annah am; saaha sinni xaagu koh abbixek.

1 Malikwa 18:4

Idebal Yallih nabuwwa qidak ten saaku, Qobadya bool nabi beyya heeh namma kontomuh ken kurra heeh gablat yooqore numuk ten. Too nabuwwah makmok maaqabu tokke baahak yen.

1 Malikwa 21:10

Baabuurute marak nammay bahha haay, kay foocal daffessa ken haay, ‹Nabot, Yalla-kee malik xaafe axcuk kaal wada› inxica. Too waqdi magaalak afah kaa eyyeeqay xeetit kaa qida» 'yaanam elle hayte warkat rubte.

1 Malikwa 21:13

Too waqdi woo baabuurute namma num amma 'teh sahda foocal, «Nabot Yalla kee malik abaare» axcuk kaal waden. Sarrak magaalak afah kaa beyya heenih, xeetit kaa qiden.

1 Malikwa 21:19

Too waqdi yooy YALLAH yani annah kaak axcem kaah waris. ‹Atu num qiddeh, kay midir isih haysitteh. Hununuh kuuta Nabot qabala elle muxuuqak sugte aracal, ku qabala kaadu muxuuqele› kaak inxic» iyye.

2 Malikwa 5:26

Eliisaq kaak iyyemii, «Woo num gaarik oobeh koh garaye waqdi, wokkel yi roocaaniyya ko'lih manannaa? Aham lakqooy sartan kee, hinnay kaadu, *daytuun coox kee qinab caxah buqreh baaxooy, laa kee illiiy naqoosa edde beyan wakti hinna'nnaa?

2 Malikwa 6:12

Keenik numuk teeni, «Yi malikow, woo numih qaxa num nek mayana'mmay, nabi Eliisaq atu isi buxah addal kinni way sirrih yabta yab Israayil-malikih warsa» iyye.

2 Malikwa 7:17

Malik woo magaalah culmal, isi dacayrit tan qaskarih abba dacayrih hee. Too waqdi ummatta magaalah culmah temeete waqdi, duufut kaa beyteh itqat kaa qidde. Tohim naharal elle, malik Eliisaq fan yemeete waqdi, Eliisaq akkele akak iyyemiy tekkehiyya kinni.

Ermiyaas 11:18

Ermiyaas kaadu qagissa heeh iyyemii, «Yi naqboytit yoh malissa mala YALLI yoh warseh. Too waqdi eexegeh.

Ermiyaas 32:3

Kaa casbissem, Malik-Xidkiyak teneeh; kaa akah casbisem, YALLI iyyem warseemih sabbata. Ermiyaas Xidkiyak iyyemii, «YALLI, ‹Ama magaala Baabelon malik abbixele› 'yaanam iyyeh yaniih,

Yacedkel 14:1

Israayil idoolak tu'baxa yakke mari Yallih yab yoo esseraana'gidih, yol yemeeteenih foocal yok daffeen.

Yacedkel 20:1

Seewah nee edde been malcinhaytô sanatak konoyhaytoh alsak tabanhaytoh ayrot, Israayil-idoola Yallih fayxi yoo esseraana'gidih, amma 'yeenih foocal yok daffeen.

Yacedkel 33:31

Yi mari atu keenik intaamih ankacsah kol kobxan; elle daffeyan. Takkay immay atu aba keenik intam maaban. Atu edde yabta yab kicnoonum ceelan. Takkay immay lon inti-xeera macaban.

Yacedkel 8:1

Seewah nee edde been laceyhaytô-sanatak laceyhaytoh alsak konoyhaytoh ayrot, Yuudâ-baaxol yok kaxxih seewah been idoola lih, inni buxah addal malâ daffeynat an waqdi, Mulki le Dageltih qande garcik yol obte.