2 Malikwa 6:15 - NABUWWA KEE MALIKWA

¹⁵ Maaci maacise waqdi, Eliisaq-kaadinti xiinik ugutta 'yeh afah yewqe waqdi, Suuriyah-qaskaray gaariira kee faaris lehiyyay magaala marot tabbixehiyya yuble. Too waqdi yuduureeh iyyemii, «Yi abbaw, gaba nel raddek, maca abnu?» iyye.

2 Malikwa 6:15 ပူးပေါင်းရင်းမြစ်များ

1 Malikwa 19:21

Too waqdi Eliisaq uduurra 'yeh isi awurwa yusguudeeh; cado elle alaysa'gidih, buqure edde abak suge *madmad iggilla heeh elle alayse. Woo cado ummattah keefeeh, woo ummatta woo cado tokmeh. Tohuk gaba kale waqdi, kaa cata num yakke'gidih, Eliyyas kataye.

2 Malikwa 3:11

Malik-Yacoosafataay, «Akkel YALLIH fayu elle esserra nabi mayanaa?» iyye. Malik-Yooram qaskarih abba iyyemii, «Saafat-baxi-Eliisaq yan. Usuk Eliyyasah catoh yen numu» iyye.

2 Malikwa 5:20

Eliisaqak kaadintuh yen Gecdi isi niyal yuscubemii, «Yi abba Suuriyah num kaah yeceem oggolam kaal ten. Tu kaak bee'kal kaa ruubeh yani'mmay, waara YALLIH migaaqal xiibita'mmay, gexxa exceh tuk teena kaak beeyyo» iyye.

2 Malikwa 5:27

Taway Niqmaan luk suge dalka kot tabele. Koo kee ku durruyyat tama dalka way macabtan» iyye. Sarrak Gecdi wokkek gexe waqdi, woo dalka kaal obteeh xagar kaak qidih arroqleh innah gace.

2 Malikwa 6:14

mango qaskar kee gaariira kee faariisa ruube. Too mari Eliisaq elle yan magaala barat gufeenih maro heen.

2 Malikwa 6:16

Eliisaq, «Mameysitin. Oson loonumuk nanu linom mangok» kaak iyye.

2 Malikwa 6:5

Keenik numuk teenak caxa edde argaquk suge godmay birtak bicseenihiyya daabak tewqeh leeh addat radde. Too waqdi woo num, «Eliisaqow, yi kabiirow, taway macaa abu? Sinaamak bee godma leeh addat yok raddek» iyye.

2 Aydaad 20:12

Ni Dageltaw, a axxul le qaskaray qeebi net abahiyyat edde kalalinna qande mannu immay, ken neh digaal. Kook sah nee cattam matanaay; abnam manaaxigaay, catoh waginnam koo» iyye.