2 Malikwa 5:7 - NABUWWA KEE MALIKWA

⁷ Israayil-malik a warkat yikriye waqdi, sara isik qanxiseh, «Suuriyah-malik a num uruseyyom mannah yakkale? Qidaah wada Yalla yoo maay yakkale? Usuk umaane yok faxam qellu leemik tanih matan» iyye.

2 Malikwa 5:7 ပူးပေါင်းရင်းမြစ်များ

2 Samuwel 1:11

Dawud toh yoobbe waqdi, kaxxam qaadeeh sara isik edde qanxise. Kay mari kaadu toh abe.

1 Malikwa 20:7

Malik-Acab too waqdi baaxoh-abbobtih inkih kaayya 'yeh keenik iyyemii, «A num nee bayisam faxam tableenii! ‹Ku agabu kee ku xaylooy lito lakqo kee dahab inkih yoh rub› 'yaanamih farmo yoh ruubeeh; woh kaah oggoleh suge» iyye.

2 Malikwa 11:14

Woo baaxol qaadah akah abak sugen innah, YALLIH Qibaadah-Qaril yan qamiddih garil, soola malik tuble. Bool-abbobtih ten qaskar kee *baanta yaagure maray maraasiyot kaa yabbixehiyya tuble. Farcatak yan maray waxxaq iyya kee baanta yaagurehiyya tuble. Toh tuble waqdi Qatalya niya teetik baxaqteeh sara isik qanxisseeh, «Gano leelaay, gano leelaay! Ah gano!» inte.

2 Malikwa 18:37

Sarrak Elaakim kee Sebna kee Yowac aben rookah sara isinnik qanxiseenih Assuuriyah-qaskar-abbah-yan-num keenik iyyem malikih warsen.

2 Malikwa 5:6

Malik kaal ruube warkatal kutbeh tenemii, «A warkat gabat baahu waa num Niqmaan deqsitaah, usuk yi qaskarih abbah yan. Usuk le dalkak kaa urus» 'yaanam elle tan.

Ermiyaas 36:24

Kay doolatak saqoltih yan maray ta yab yoobbehiyya kaadu mawariggitinna. Hinnay kaadu, «Umam net takku waytah tan!» 'yaanam maxacinnon.

Daaniyel 2:11

Annah tanim kaxxam gibdiimiiy; yallittek kalih mari yaaxagu maduuda. Yallitteh tu gactek, sahdayti addal mageytinta» kaak iyyen.

Hosiqa 6:1

Ummat intaamah, «Ahaysa YALLAL nadaaru wayna. YALLI nee biyaakeh immay nee qaffoysele. Nee mudeh immay dale neh urusele.

1 Samuwel 2:6

Qiddam YALLAAY; waddam YALLA. Sahda akeera rubtam kaa; rooci sahdat haytam kaa.