2 Malikwa 5:24 - NABUWWA KEE MALIKWA

²⁴ Kooma gufen waqdi, Gecdi namma kiis keenik beeh buxah adda culse. Sarrak woo marak, «Ahaysa Niqmaan fan uduura» iyye.

2 Malikwa 5:24 ပူးပေါင်းရင်းမြစ်များ

1 Malikwa 21:16

Acab too waqdi sissikuk woo qinab-cooxih-booxa isih haysita'gidih gexe.

Yasaqya 29:15

Edde tanin mala YALLAK yaaqurem yakkale maraw, sinim tekkeh! Uma-taama bar ditet abaah, «Nanu abnam iyyi nek yableeh, iyyi yaaxige?» 'yaanam intan.

Cabakkuk 2:6

A saaku qeebil akak yeysen mari keenil anqaasak maaciseloonuuh, ken bursutelon. «Garaqtan duyye gaaboysaah, marak bukkuse duyyet gaddalite maraw, woyyow siinit takku waytaamow!» keenik axcelon. «Garqiino abaah, mago bee marak dulmil mago gacsa maraw, aham fan gaddalitteenih. Annal hay, magid fan sugtoonu waytaanah tanin!» keenik axcelon.

Yoosuwa 7:1

YALLI Israayil marak, «Yerikô-magaalak baysi akak faxxiima duyye bayisaay; yoh rikeek baxsah heeh meqe duyye baxsah haa» 'yaanam iyyeh suge'mmay, woo amri moggoliminna. Qaakan deqsita num woo amri cineh sugeeh; tohuk gexxaamah YALLIH bagcarra Israayil mara gufte. Qaakan Karmi deqsita numih baxak teneeh, Dabdi deqsita numuk kaadu baxi baxak ten. Dara deqsita gulubuh aabakuk yen. Dara Yuuda deqsitta kedoh aabakuk yen.

Yoosuwa 7:21

Dannabah orbisne duyyeh addat qax-meqe Baabelon marih rarayto kee namma kiilo takke lakqo kee kiilok garab yakke dahab uble waqdi, ossokooteh innih haysite. Too duyye yi siraqih addat ubkuneh abbixe. Lakqo guba akak heeh abbixeeh, tokket daanah siinih sugele. Ta duyye elle beem tama'nna» iyye.