2 Malikwa 5:23 - NABUWWA KEE MALIKWA

²³ Niqmaan too waqdi, «Kee, ku maganak lakqok lica alfih garsi yok bey. Too gide bee waytek, matakka» iyye. Sarrak woo lakqo namma kiisit kaah hayya heeh, kalah kaadu sartanak tonnah, namma qaynat isi taamah marak nammayal hayya heeh Gecdik naharat ken ruube.

2 Malikwa 5:23 ပူးပေါင်းရင်းမြစ်များ

1 Malikwa 20:7

Malik-Acab too waqdi baaxoh-abbobtih inkih kaayya 'yeh keenik iyyemii, «A num nee bayisam faxam tableenii! ‹Ku agabu kee ku xaylooy lito lakqo kee dahab inkih yoh rub› 'yaanamih farmo yoh ruubeeh; woh kaah oggoleh suge» iyye.

2 Malikwa 12:10

Sandugut mango lakqo gacinnaan waqdi, malik-kutbe-abeena kee kaxxa sek amma 'teh woo lakqo lowwu heenih sarrak olot haak sugen.

2 Malikwa 2:17

Osonuuy, «Genxam meqe» 'yaanamak yaadiyoonu cineeniih; sarrakaay Eliisaq tibba keenik iyyeh gexoonay ken iyye. Too waqdi yakken kontomuk gexeeniih, sidooca ayroh kay goranah cabba heenih ikke maloonuy gorrisak kaa sugen. Sarrak kaa magennon.

2 Malikwa 5:16

Eliisaq iyyemii, «Mattaco kok oggole waamah, anu inni afqadook akah taamita YALLAY waarahiyyah migaaqal xiibita» iyye. Niqmaan, «Mattaco yok oggoltaama» iyyeh fiirik geerah kaat qagseh immay, Eliisaq woo mattaco kaak cineh.

2 Malikwa 5:5

Too waqdi malik iyyemii, «Gexay; Israayil-malikih warkat ruubeyyooh kaal ucuy» iyye. Niqmaan lakqok soddom alfih garsi takkem kee dahabak laca alfih cabbataay, kalah kaadu sartanak tabna cabbat gabat hayya heeh wokke gexe.

2 Malikwa 6:3

Keenik numuk teeni, «Atu ne'lih gexxam tayse» iyye. Usuk kaadu meqeh iyyeh ken lih gexe.

Yasaqya 30:6

YALLI bacarih tan baaxoy gabbi-qaxat raqtahiyyal tan alluwwah giddinaamak farmo ruubeeh iyyeemih: Ta makaabonuy farmoh afat gexxehiyya gexen saaku, gibdaabina le baaxoy lubooka kee afat summi le abeesas kee haadda baadeysitte elle tanihiyyak adda gacca 'yeenih gexen. Merraytuh qarik garab danoonal luk gexen. Garab kaadu gaalal luk gexen. Too merraytul heenim, limo mango duyyek ten. Too duyye akah beenim, catoh edde qaagan marih mattacok ten. Takkay immay oson catoh edde qaagen mari, hebeltô-cato keenih abu duuda marak mananna.