2 Malikwa 5:18 - NABUWWA KEE MALIKWA

¹⁸ Takkay immay yi amoytah yan Suuriyah malik, yalla akak iyyaanamay Rimmon deqsitahiyya yaqbude'gidih gexa waqdi, kaa'lih gexak qununnu axceemih YALLI qafu yoh abay. Tonnal Rimmonuh qununna axce waqdi, YALLI qafu yoh abay» iyye.

2 Malikwa 5:18 ပူးပေါင်းရင်းမြစ်များ

1 Malikwa 19:18

Takkay immay yol imaan luk sugeeh, Baqal-akak-iyyaanamah-qibaada elle abaana'gidih gabak bicsen duyyeeyah gommoh rade weeh, woo ceelo fugute wee maray malcina alfih num yakkehiyya rooci luk ken cabeyyo» iyye.

2 Malikwa 17:35

YALLI duma Israayil mara lih bica heeh yeneeh, amri kaadu keenil oobiseh suge. «Yok sa gersiimil maamanina. Yok sa gommoh qibaadah numuh maradina. Sadgat yi migaaqak kalihimil maabina. Yok kalihimih qibaada maabina.

2 Malikwa 7:17

Malik woo magaalah culmal, isi dacayrit tan qaskarih abba dacayrih hee. Too waqdi ummatta magaalah culmah temeete waqdi, duufut kaa beyteh itqat kaa qidde. Tohim naharal elle, malik Eliisaq fan yemeete waqdi, Eliisaq akkele akak iyyemiy tekkehiyya kinni.

2 Malikwa 7:2

Malik dacayrit yan num Eliisaqak iyyemii, «YALLI qaran afoofi fakka haamah, aham takkem hinna» iyye. Eliisaq kaal gacsemii, «Amaham akkih abletto'mmay woo maaqok tu matakma» iyye.

Ermiyaas 50:20

Too saaku, Israayil kee Yuudâ-marak saaboh raaqe maray Baabelon malikih gabak rooci edde catehiyyah qafu abeyyoomuh sabbatah, dambi le mari ken baaxol masuga. Duma abeenim keenih cabeyyo. Tahat yabtam yoo YALLA» 'yaanam iyye.

Yoosuwa 23:7

Tonnah kaadu a sin addat raaqeh yan mara lih magacinaay; oson migaq akak xagan isinni gabak bicsen duyyey yalla akak iyyaanahiyyah migaq ken lih maxagina. Tohimih migaaqal nadri maculina. Too duyye maqbudinaay qibaadah gommoh akah maradina.