2 Malikwa 5:14 - NABUWWA KEE MALIKWA

¹⁴ Sarrak Niqmaan Ordon-weeqaytu fan gexeeh, Eliisaq ab kaak akah iyye innah, malcina adda kummatta edde iyye waqdi, xagar inkih kaak qaffoote. Xagar kaak qaafiyat kee maqarah furrayni baxi innah kaak gacca 'ye.

2 Malikwa 5:14 ပူးပေါင်းရင်းမြစ်များ

1 Malikwa 17:16

YALLI Eliyyasah afat xagana elle cule innal, sacnik daro mambaxinnay gaanuk zeyti mambaxinna.

2 Malikwa 4:35

Too waqdi Eliisaq ugutta 'yeh qari addal wonnak annah gexam gexxa 'ye. Sarrak kaadu qagteh tonnah awkak bagul gace. Too waqdi awki malcina adda sanite. Sarrak inti fake.

2 Malikwa 5:10

Eliisaq, kaadintu kaa fan ruubeeh; woo num kaak iyyemii, «Ordon-weeqaytut malcina adda kaqal. Toh abtek, dalkak tu ko'lih maraqtay taahirroowetto, kok iyyah yan» kaak iyye.

2 Aydaad 20:20

Nammeyhaytô-saaku dibroh ugutta 'yeenih, Takooqa deqsitta magaala elle tan bacarih tan baaxo fan gexoh ugten. Gexo qimbisen waqdi, Malik Yacoosafat ken lih yaabeeh keenik iyyeemih, «Yuuda kee Yarusalaam magaalah ummatey, siinik axceemihii, YALLAY sin Dagelta kinnihiyyal kibalsita. Tonnal maqar baahetton. Away kay nabuwwa sin lih edde yabte yab eemenaay, tonnal nasri geetton» keenik iyye.

Zakariyya 13:1

YALLAY Nabaamak Nabahiyya iyyaamah, «Too ayro Yarusalaam ummat kee Dawuduk rade mari abak suge caraamu kee uma-taamak edde taahirroowoonuh, edde kaqalan buyyi keenih racele.

Zakariyya 14:8

Taham takku wayta ayro, Yarusalaamak addal sila le lee darah innah caxitele. Too leek garab Rabe Bad deqsita bad fan caxitele. Aki garab Maditraaniyah Badat angalele. A lee cagayaay, karma, way mataggiriqay darah oobele.

Yoosuwa 6:4

Malcina seekiy maruw gaysak bicsen *baanta gabat lehiyya woo YALLIH Qahdih-Sanduguk foocat gexxaama. Malcinhaytoh ayro woo seeka baanta taagure waqdi, koo kee ku qaskarak takkeenimik woo magaalat malcina adda mermerita.