2 Malikwa 4:38 - NABUWWA KEE MALIKWA

³⁸ Eliisaq Gilgal-magaala fan yuduure saaku, too baaxol qulul radeh yen. Ayrok teena Eliisaq butta takke nabuwwa barisak suge waqdi, isi taamah numuk iyyemii, «Kaxxa disti giral xikay maaqo neh bicis» iyye.

2 Malikwa 4:38 ပူးပေါင်းရင်းမြစ်များ

2 Samuwel 21:1

Dawud malikih suge dabaanal qulul radeeh, woo qulul sidooca sanat suge. Too qululih sabbatah Malik Dawud YALLAL fayu essere. YALLI kaak iyyeemih, «Saawul kee kay buxah marat biili yan. Sahday qideeni biili uxih keenit yan. Qideenim Gibqon mara. Rob siinih akah rade waam tohu» kaak iyye.

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

2 Malikwa 2:1

YALLI, Eliyyas mermerita caacayih addat qaran edde yayyaaqu waa wakti xayyooweh. Eliyyas kee Eliisaq Gilgal magaalak tewqeeh,

2 Malikwa 2:3

Butta takke nabuwway wokkel dabqih tanihiyya Eliisaq fan amma inteeh, «YALLI a saaku ku kabir kok beelem maay taaxigee?» kaak iyyen. Eliisaq keenil gacsemii, «Yeey, aaxigeh immay wohut yaabe waynay» keenik iyye.

2 Malikwa 4:1

Butta takke nabuwwak numuk teenah yen nabik raqte gubna Eliisaq fan temeeteeh kaak inteemih, «Yallih numow, baqli yok rabeh; yi baqli akah taaxige innah, YALLIH meysi le numuk ten. Duma magoh maalu akak beeh suge num, woo magoh aftok, lab-xayloh nammay yok naqoosannuh beyam faxa» inte.

2 Malikwa 4:39

Keenik numuk teeni maaqo tamu taymaaqe qayso baaha'gidih, garbo fan gexe. Tokkel inki caxah xaylok sarok exxa kibba heeh baahe. Sarrak kinnim aaxige'kal, kitiffa heeh maaqoh addat hee.

2 Malikwa 8:1

Dumih ayro Eliisaq, baxah rooci akak gacse barray dabqih Suunem rasul tenehiyyak iyyeh sugeemih, «YALLI a baaxol malcina sanatih gide sugu waa qulul ruubam faxak, atu is kee isi buxah marah gexay dabqih gersi ikkel gac» 'yaanam teetik iyyeh yen.

Yacedkel 11:3

«Oson iyyaanamah, ‹Qarwa xisan wakti uxih maamaatinna. Yarusalaam maaqo elle alaysan buutih gideey; nanu tet addal tan cadoh bis lino. Takkay immay buuti akim raqatuh girak reebu neh akkele› iyyan.

Yacedkel 11:7

« ‹Tonna-leemiik yoo YALLAY Mulki lehiyya siinik iyyaamah: nummah Yarusalaam maaqo elle alaysan buuti kinnihik, woo alaysaanam, isin a magaalal qidden marih raysitte› keenik inxicey; ‹A magaalal ahaysa magactan; sin akak ayyaaqeyyo.

Yacedkel 14:13

«Bani-adantow, ayyuntak teeni yol yaaminem cabba heeh dambi le taamat ase kaa tekkek, tonnal gaba keenil heeyyooh, maaqo akak geyak sugen arooca keenik bayseyyo. Qulul ruubeyyooh; saq kee ummat akah tambaxe'nnah abeyyo.

Yacedkel 24:3

Ama yi maray yabti cina lehiyyah a yab ceelalloh waris. Keenik intaamah, YALLAY Mulki lehiyya siinik iyyaamah: ‹Buuti leek kibba haay giral xik.

Qaamus 7:14

Too waqdi Qaamus kaak iyyemii, «Anu lac kee subla dacrisa num kinniyo. Nabi hinniyooy, nabuwwal yimixxige marih num hinniyo.

1 Samuwel 19:20

Too waqdi kaa yaxayu waa mara kaah ruube. Woo mari, Samuwel foocat akak yan nabuwway butta takkeey nabuwwah innah yabtah xongoltahiyya yublen. Yallak keenil obte *Roocaaniyya too mara kaadu timlikeeh, too waqdi Saawul ruube mari woo marat yengeleeh, kaadu nabuwwah innah yaabakaay xongolak yenen.