2 Malikwa 4:35 - NABUWWA KEE MALIKWA

³⁵ Too waqdi Eliisaq ugutta 'yeh qari addal wonnak annah gexam gexxa 'ye. Sarrak kaadu qagteh tonnah awkak bagul gace. Too waqdi awki malcina adda sanite. Sarrak inti fake.

2 Malikwa 4:35 ပူးပေါင်းရင်းမြစ်များ

1 Malikwa 17:21

Sarrak awkak bagul sidiica adda iba kee gaba rubbu heeh, YALLAK annah iyye, «YALLAW yi Dageltaw, a awkal rooci gacis» iyye.

1 Malikwa 17:22

YALLI Eliyyas abe dooqa oggoleeh, too waqdi awkal ufuy yuduureeh rabak yunuwweh.

1 Malikwa 18:43

kaa'lih yan kay taamat yan numuk, «Gexay bad fan wagit» iyye. Taamâ-num gexeeh yuduure waqdi, «Tu maballiyo» axcuk yuduure. Eliyyas malcina adda qagamqagisak, «Gexay wagitay am» kaak iyye.

2 Malikwa 13:21

Ayrok teena Israayil mari rabe num aagaquk sugen waqdi, taaxige mara amaatih yublen. Too waqdi aagaquk sugen numih ginaada Eliisaq kabrih addat qideenih cabeenih isinnih kuden. Woo raysi Eliisaq-lafa xage waqdi, woo raysal rooci yuduureeh edde ugteh solla 'ye.

2 Malikwa 4:36

Eliisaq Gecdih secca 'yeh, «Awki inak, ‹Am› inxic» iyye. Awki ina woo qari culte waqdi, «Ku baxi ah kaana» teetik iyye.

2 Malikwa 5:10

Eliisaq, kaadintu kaa fan ruubeeh; woo num kaak iyyemii, «Ordon-weeqaytut malcina adda kaqal. Toh abtek, dalkak tu ko'lih maraqtay taahirroowetto, kok iyyah yan» kaak iyye.

2 Malikwa 5:14

Sarrak Niqmaan Ordon-weeqaytu fan gexeeh, Eliisaq ab kaak akah iyye innah, malcina adda kummatta edde iyye waqdi, xagar inkih kaak qaffoote. Xagar kaak qaafiyat kee maqarah furrayni baxi innah kaak gacca 'ye.

2 Malikwa 8:1

Dumih ayro Eliisaq, baxah rooci akak gacse barray dabqih Suunem rasul tenehiyyak iyyeh sugeemih, «YALLI a baaxol malcina sanatih gide sugu waa qulul ruubam faxak, atu is kee isi buxah marah gexay dabqih gersi ikkel gac» 'yaanam teetik iyyeh yen.

2 Malikwa 8:5

Gecdi, Eliisaq rabe awkal rooci elle gacse innat yaabak suge waqdi, woo barra malikik, «Qari kee baaxo yoh gacis» axcuk temeete. Gecdi too waqdi, «Yi malikow, woo barra amah teetiiy; tet baxay Eliisaq rooci elle gacsehiyya amah kaana» iyye.