2 Malikwa 3:4 - NABUWWA KEE MALIKWA

⁴ Mooyab-rasih malikih yen Malik-Meesaq illi yeyderreh yeneeh; Israayil-malikih-gabbarah illi xaylok kulli sanatal bool alfih gide takkem acayuk yen. Kalah kaadu, bool alfi yakke marwah xagor kaah acayuk yen.

2 Malikwa 3:4 ပူးပေါင်းရင်းမြစ်များ

2 Samuwel 8:2

Tohuk lakal kaadu Mooyab marak yeyseh. Sarrak carbit yibbixe mara baaxok bagul deerih ken hayya heeh, akatal ken kiyassa heeh, sidoc-sidoc yakke marih addak namma-namma num keenik beyak ken qide. Tohuk wadir Mooyab-mari kay gabat gaceh, gabbara kaah acayuk yenen.

2 Samuwel 8:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah agdayuk raaqe. Dawud qeebi elle abinnaan ikkel YALLI nasri kaah yecee.

1 Aydaad 18:2

Too marak kalah Mooyab marat qeebi abeeh, isi gubat ken hee. Tohuk wadir too mari gabbara kaah acayuk yenen.

2 Aydaad 26:10

Tonnah kaadu, sinam isinni aroocal allak tamaatem akak yablen fayya le qarwak mangom xise. Ayrô-culmat raqta mango koomaami le baaxo kee booxaaxah tan baaxol mango laa luk yeneeh; leê-raaqisso mangom dage. Buqre kaxxam kicinuk yeneeh; tonna-leemiik taamita marak, «Qaleelah tan baaxol qinab xala coox ubquraay; lee le baaxoy buqre elle bictal daro qida» iyye.