2 Malikwa 3:19 - NABUWWA KEE MALIKWA

¹⁹ Gasoosa maroh le magaalooli kee qax-meqe magaalooli keenik abbixetton. Oson elli haan xaylo xala coox argiqettoonuuh; buyyitteh afoofi keenik alfetton. Eelli haan baqureh-baaxoy kullim elle taabukehiyya xeetik kibetton» iyye.

2 Malikwa 3:19 ပူးပေါင်းရင်းမြစ်များ

2 Malikwa 13:17

Sarrak malik, Eliisaq kaak elle iyye innal, qari taagatay Suuriyah rasu fan yafkunehiyya fakka hee waqdi, nabi, «Taway gaysê-baxa rub» kaak iyye. Malik too gaysê-baxa akah ruube innaak Eliisaq «So! Teymeeqeh, tahaysa atu YALLIH gaysê-baxay YALLI Suuriyah marak edde yaysu waahiyya akketto. Afeek deqsita aracal qeebi keenit abettooh, keenik aysetto» kaak iyye.

2 Malikwa 3:25

magaalooli keenik bayseenih. Ken buqreh baaxoy kullim elle aysubukuk sugeenihiyyak elle tatraanamal, Israayil marak kulli numuuy wokket xaa qidak woo arooca xeetik kiben. Buyyittek afoofi keenik alfeenih, xaylo xala coox keenik yirgiqeenih. Kiir-Ceras deqsitta inaytâ-magaalak kalih gasoosa-le-magaalooli inkih bayseenih; wanxef-le-qaskar woo inaytâ-magaala marot hayya heenih qeebi edde aben.

Makaabon 6:16

YALLI kaadu kaak iyyeemih, «Anu koo cateyyooh; tonnal abtu duudetto. Miidiyan mari qandek inki numih gide kol mayallaay; bututtukka ken heetto» kaak iyye.

1 Samuwel 15:3

gexay qeebit ken ibbixaay, elli haanam keenik bayis. Labha kee agabuuy, urru kee salaadah yan qunxa urru inkih sella keenik hay. Laa kee illiiy, gaala kee danoonak tu macabinay keenik qid› kok iyya» kaak iyye.

1 Samuwel 23:2

YALLA essereeh, «YALLAW, gexeh a marat qeebi maay aboo?» iyye. YALLI, «Gexay qeebi keenit abaay, Kaqiilâ-magaalah mara wad» kaak iyye.