2 Malikwa 3:18 - NABUWWA KEE MALIKWA

¹⁸ Eliisaq toh lih kaadu keenik iyyemii, «YALLAL ahamih abto kaxxam hinnaay, kalah kaadu Mooyab marak qeebil sin aysiisele.

2 Malikwa 3:18 ပူးပေါင်းရင်းမြစ်များ

2 Samuwel 7:19

YALLAW, Mulki le Dageltaw, a saaku inkinnah duma neh abteh sugte maqaanek giffa 'ta maqaane neh abte. Yi ramadah kaadu sarrî dabaanal abtu waytaamat yabteh. Sahdaytu luk haysitta angaaraw tama'nnak tanih tan!

1 Malikwa 16:31

Kaak dumal malikih suge Nabát-Yarobqam abak suge umaane kay garil inkinnah tuk masuginnaay, dambi abitto wohuk lafittam baahe. Etbaqal-deqsita-numuy Saydâ-marak-malikih yenehiyyak Idebal-deqsitta-baxá rihimih abite. Tohuk lakal Baqal akak iyyaanam diini-maleela Yallih aftok taqbudehiyyah qibaadat gace.

1 Malikwa 20:13

Oson tohut yanin waqdi, malik-Acabal nabi yemeeteeh kaak iyyemii, «YALLI, ‹Ama kaxxa qaskar tablee! A saaku tama qaskarak koo aysiiseyyooh; too waqdi YALLA kinniyom yok aaxigetto› kok iyyah yan» kaak iyye.

1 Malikwa 20:21

Takkay immay Malik-Acab raaqe-marat qeebi abeeh, faaris kee gaariira keenik bukkuseh. Suuriyah-marat kaxxa baati abe.

1 Malikwa 20:28

Malik-Acab fan nabi yemeeteeh kaak iyyemii, «YALLI iyyaamahaa, ‹Suuriyah-mari yok, qaleelâ-Yalla ikkal booxâ-bagih-Yalla hinna iyyeenimih; tonna-leemiik ken qaskaray kaxxam mangohiyyak qeebil sin aysiiseyyo. Too waqdi koo kee ku marak YALLI yoo kinnim aaxigettoonu› siinik iyyah yan» kaak iyye.

1 Malikwa 3:13

Kalah kaadu, atu yoo essere waytem koh abeyyo. Addunyal tanim fan kok kalih malik aalle waa gaddaliino kee nabna kot heeyyo.

2 Malikwa 20:10

Too waqdi Ciskiyyaahu, «Iraawo tabna maaqatta foocah gexxam sahalih taniimikih, tabna maaqatta wadir gacis» iyye.

Yasaqya 49:6

Tonnal annah yok iyyamaa; «Yi naqasow, Israayilik baatik raaqe marak inkih, luk sugen nabna gacsaanam, ku gabat absiise liyo. Wohuk kalah tayse taamay muxxo leeh giffa lehiyya ku gabat absiise liyo. Baadal inkih tan ummatah ifu kee noori koo abeyyo; Wadoot kee catotta akketto. Toh ku gabat absiiseyyo» yoo doore Dagelti yok iyyah yan.

Yasaqya 7:13

Tohuk gexxaamah Yasaqya kaak iyyeemih, «Malik Dawuduk rade maraw, yok oobbeya! Labhâ-sabri waysissaanam meqem maay takkalen? Hay yi Dageltih sabri waysissaanam maay faxxan?

Ermiyaas 32:17

«Dooqah excemii, ‹YALLAW, Mulki le Dageltaw, qaran kee baaxo isi nabna kee qandet xisse. Yaffarem le Dagelta hinnito.

Ermiyaas 32:27

«Anu YALLA kinniyooh, ginna hee marak inkih Dagelta kinniyo. Anu affarem matanaay, yoh akke wayya haytam matan.

Yacedkel 8:17

Too waqdi Yalli yok iyyeemih, «Bani-adantow, tamah table koo hinna! Yuudâ-mari tama'kkel abah yan umam-yabuli tableh tanik, ah celtam kinnii? Kulli waqdi qamalliinok aade waanaah; anu anqibinnaanim abaanam celtam kinnii? A diini-maleela gacak gactam elle aban inna maay tablee?