2 Malikwa 25:8 - NABUWWA KEE MALIKWA

⁸ Malik Nabkadnessar Baabeloonul edde reede taban kee sagalhaytô-sanatak konoyhaytoh alsak malcinhaytoh ayrol, Nabudardan deqsitak yen numuy Nabkadnessarat dacayrih tan qaskarak abbah raaqahiyya Yarusalaam magaala yemeete.

2 Malikwa 25:8 ပူးပေါင်းရင်းမြစ်များ

2 Malikwa 24:12

Too waqdi Malik-Yahoyaasin kee, kay inaay kay buxal taamita-maraay kay doolat-abbobti kee kay qaskar-abbobti Baabelon malikil gaba yeceen. Baabelon-malikiy Nabkadnessar deqsita edde dardaare bacarhaytô-sanatat, Yahoyaasin casbit hee.

2 Malikwa 25:1

Toh yuble waqdi, Baabelon-malik qaskarak tu cabe'kal beyya heeh, Xidkiya malik edde yekke sagalhaytô-sanatak tabanhaytoh alsak tabanhaytoh ayrot, Yarusalaam wararen. Magaalak irol megdebih edde gacan arac haysitta heeniih, sarrak magaalal yan mari akah awqe waa innah, dariifat maro teetik xisen.

2 Malikwa 25:27

Awil-Maroodak, Baabelon-malik edde yekke sanatat, Malik-Yahoyaasinih xuwaawak sugeeh, casbiy edde sugehiyyak kaa yeyyeeqe. Taham edde tekkem, seewah kaa edde been soddom kee malcinhaytô-sanatak taban kee nammeyhaytoh alsak labaatanna kee malcinhaytoh ayrok ten.

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

Qedra 5:12

Ni kaxxa abbobti Yalli niqba taamat asseemih sabbatah, qaraanal yan Yalli, Kaldayah yooboke Nabkadnessaray Baabelon baaxok malikih yenehiyyak qeebil ken gacsiise. Too saaku Yallih Qibaadah-Qari yiggileeniih; tokkel suggu 'ye mara seewah Baabelon rasu fan been.

Nacmiya 2:3

sarrak kaak exceemih, «Yi malikow, qumri kok yaxxeeray. Yi kaxxa abbobtih kabri elle yan magaala abur tekkeeh, tet akak culan culma carriseenih; tah inkih aaxagih faxe-waynaan mannal sinniyo?» exce.

Zakariyya 8:19

«Sanatak fereyhaytooy, konoyhaytooy, malcinhayto kee tabanhaytoh alsat abtan soom, Yuudâ marah farcat kee rufto le ayroora akkeleeh; tassa axcuk qiid abetton. Tonna'mmay isin numma kee wagari kicna mara takkeenimi» iyye.