2 Malikwa 25:4 - NABUWWA KEE MALIKWA

⁴ Too waqdi magaalat maroh yan gidaar boohayseenih. Baabelon-mari magaala marot abbaxuk yene'mmay, tohuh, Yuudâ-malik kee qaskar inkih barat edde kudde. Kuden waqdi gitah malik buxah bustaan elle yen aracak namma gidaarak fan-fan gacca 'yeenih Ordon weeqaytu fan gexen.

2 Malikwa 25:4 ပူးပေါင်းရင်းမြစ်များ

2 Malikwa 25:5

Takkay immay Baabelon-qaskar Malik-Xidkiyak lakal gexeeniih, Yerikô-magaalah garil tan booxak bagul kaa yibbixen. Kay qaskar inkih kaa cabteh isih kudde.

2 Aydaad 32:5

Sarrak Ciskiyyaahu magaalat maroh tan gasoosa yuqusbuuseeh; woo gasoosah amol fayya le aroocay xeri'kkel tanim akak yableenihiyya bicse. Kalah kaadu magaalat qusba gasoosa maroh hee. Too magaalah koosit tonnal abe. Yarusalaamak ayrô-mawqa le kabut raqta baaxoy ramma luk sugtehiyyal burtak kibakaay, koositih xiseenih sugen arooca yuqusbuuseh. Toh lih kaadu gob kee silaacak mangom bicsiise.

Nacmiya 3:15

Kolhadá-Sallum deqsita numuy Mixfa deqsita rasuk abbah sugehiyya Raceynah Afa deqsitta afa bicse. Sarrak culmah alifih amo xiseeh; alifih edde haan coox kee woo alifit tabtabbih haan coox kee birta akah bicse. Saalec-Dora deqsita aracay malik bustaanak elle yamaateenihiyyal sugte gaso, Dawud-Magaala deqsita caafatak akak ooban mawqeena fan, bicisak baahe.

Yasaqya 22:11

duma suge dorih lee akah caxite wayta innah, magaalah addal dora bicsen. Takkay immay aham takke'gidih, naharal bicissa hayteh aracat sugusseh abtem, Yalla kinnim maloowinnitoonuy, kaa fan mawagitinniton.

Yasaqya 22:3

Sin abbobti inkih kuddeeh, qeebi abe'kal ken yibbixen. Xer ikkel kude marih agantah, siinik geen mara inkih yibbixen.

Ermiyaas 32:4

‹Too saaku koo kaadu too malikih gabal heeyyooh tassillimem faxxaamah koh mabicta› kok iyye. ‹Baabelon maliki lih fooca kee foocah yaabettooh, isi namma intih kaa abletto.

Ermiyaas 34:3

Atu kaadu kay gabak mataftucaay matasillima. Tintixibbixek lakal, fooca kee foocah kaat angoorowettooh, isi afaak kaa'lih yaabetto. Tohuk lakal seewah Baabelon rasu fan koo beelon› kok iyyah yan, kaak inxic.

Ermiyaas 38:18

Woh hinna'mmay atu gaba acee waytek, a magaala Baabelon-malikih gabal gacele. Too mari gira teetit ruubele. Atu kaadu elle taawwe kabu mageyta› 'yaanam kok iyye» kaak iyye.

Ermiyaas 4:17

Cal uma awur yasguudeenim faxan waqdi, yabbixoonuh elle maraasiyan innal, Yarusalaam marot heelon. Yuudâ-marat toh akah takku waytam, yoo cineeniih yi amri cineenimih sabbata. Tah intam yoo YALLA.

Ermiyaas 4:29

Qeebih faras amot yan mara kee gaysê-xaylo gabat le mari abah yan mamaatah xongolo yaabboonu waan waqdi, magaalal sugu waa mari kudele. Marak garab garbo elle tani'kke fan kudeleeh, garab booloh amot yan xeetih gubat culelon. Magaalooli inkih abur akkeleeh, num addal akak maraaqa.

Ermiyaas 5:10

«Qinab cooxuy xaylo xalahiyya keenik bayisu waa maray keenik naqboytiitih yanihiyya keenit ruubeyyo. Takkay immay too coox inkitanuuk bayi keenik maha. Tonna'mmay qinab cooxuk ludwa yim akke sinniimih sabbatah, yargaqoonay axceyyo.

Yacedkel 12:12

Abbah keenik yan num duyye sunkul hayya heeh yasillime'gidih, kaah heen boohak barat kudeh maacisele. Foocal gaba hayya heeh gexele. Gexa'kke isik mayabla.

Yacedkel 12:14

Kay taamak abbobtih yen maraay, kaat dacayrih yan mara kee, kay qaskar kulli ikke fixixih ruubeyyo. Ken qidu waa mara kaadu lakat keenik ruubeyyo.

Yacedkel 12:4

Kulli num koo akah yable'nnah, laqo-ifaanih baaxo cabah seewah gexu waa numih innah, duyye bicsit. Bari yakke waqdi baaxo cabah seewah gexa numih innah, safarah bicaay; sahda koo akak table ikkek ugutay gex.

Yacedkel 33:21

Seewah nee edde been taban kee nammahaytô sanatak tabanhaytoh alsak konoyhaytoh ayro, Yarusalaamak yoowweh yemeete num yol yemeeteeh, «Yarusalaam makko tekkeh» 'yaanam iyye.

Zakariyya 8:19

«Sanatak fereyhaytooy, konoyhaytooy, malcinhayto kee tabanhaytoh alsat abtan soom, Yuudâ marah farcat kee rufto le ayroora akkeleeh; tassa axcuk qiid abetton. Tonna'mmay isin numma kee wagari kicna mara takkeenimi» iyye.