2 Malikwa 25:29 - NABUWWA KEE MALIKWA

²⁹ Tonna leemiik, casbi-sartanay edde sugehiyyak katta 'yeh, meqe sarat gacak, rabba 'yam fanah malik adoobita maaqo kaa'lih adoobitaamih idni malikik geeh yen.

2 Malikwa 25:29 ပူးပေါင်းရင်းမြစ်များ

2 Samuwel 9:7

Too waqdi Dawud kaak iyyem leh: «Yok mameysitin. Ku abba yok kaxxa kataysak sugeemih sabbatah, koo catam faxak. Ku kaxxa-abba Saawul luk suggu 'ye baaxo inkih koh gacseyyo. Atu kaadu a saakuuk xabba haanam yi buxal adoobittaama» kaak iyye.

1 Malikwa 2:7

«Gilqad rasul yooboke Bardillayah xayloh emeqaay amo keenik wagit. Woh akah kok axcem, ku toobokoyta Absalaamak kude saaku yoh yemqeenih yenen.

2 Malikwa 24:12

Too waqdi Malik-Yahoyaasin kee, kay inaay kay buxal taamita-maraay kay doolat-abbobti kee kay qaskar-abbobti Baabelon malikil gaba yeceen. Baabelon-malikiy Nabkadnessar deqsita edde dardaare bacarhaytô-sanatat, Yahoyaasin casbit hee.

Aster 4:4

Aster taamat ten baxuwwa kee seelabu le maray tet lih sugehiyya Mordakay elle yan inna teetih warsen waqdi, abtam aaxige cinteh. Sara xagaral haa'gidih, sartan kaah rubte. Takkay immay Mordakay woo sara xagaral hayu cineh.

Aster 8:15

Sarrak Mordakay kuclinan kee qidik yan ibak lifiq gufa kameesit gacca 'yeh, xagar meqe *baftak bicsen saroy qasdiiminan bis lehiyyak bicsen koot haysitta heeh, dahabak bicsen kalabtay kaxxahiyya amot luk, malikwa elle saritta'nnal saritta heeh, malik qarik yewqe. Suusâ gitittel kaa yublen waqdi, sahda kaxxam tifriceeh, qililiseenih.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Ermiyaas 22:26

Koo kee ku-ina marin baaxo seewah rubsuuseyyo. Siinik num elle aabuke wee baaxo fan sin ruubeyyo. A baaxo sarrah mataduuraanaay, takken nammayak marin baaxoy seewah sin beenihiyyal rabetton» kaak iyye.

Ermiyaas 52:33

Tonna leemiik casbi sartanay edde sugehiyyak kaa kaleeh, meqe sartanat kaa hee. Sarra, isih elle adoobita ikkel, maaqo kaa'lih yakmeemih idni kaah yecee.

Zakariyya 3:4

Sarra woo malaykatti woo waqdi foocal kaak soolak sugte malaykak iyyeemih, «A num edde yan wasak le sara kaak kala» iyye. Yoosuwak kaadu iyyeemih, «Luk sugte dambi kok kaleeh, edde gactu wayta qusba saroy saytuni koh aceeyyo» kaak iyye.