2 Malikwa 25:24 - NABUWWA KEE MALIKWA

²⁴ Gedalya keenik iyyeemih, «Baabelon marak akah meysittaanam manton. Ta qangara yok eemena. Baaxol elle idiyaay, malik siinik aba iyyam aba. Tonnal tu siinil bahtam matan» keenik iyye.

2 Malikwa 25:24 ပူးပေါင်းရင်းမြစ်များ

2 Samuwel 14:11

Is kaadu qagisseh kaak inteemih, «Yi malikow, raaqe baxa caneh yok qidam faxa numuk uma biilu yoo catettoomuh, YALLAY ku Dageltah yanih migaaqal xagna yoh acuy» kaak inte. Dawud teetik iyyeemih, «Ku baxal dagoohim baxa kinni way num baahu alliile wayu waamah, YALLAY waarahiyyah migaaqal koh xiibita» teetik iyye.

2 Samuwel 19:23

Too waqdi Simqik iyyeemih, «Koo qide waamah koh xiibitah» kaak iyye.

2 Malikwa 25:23

Yuudâ-qaskarih-abbobti kee qaskar ta xaagu toobbe waqdi, Gedalya fan yemeeten. Gedalya too saaku dabaaqah Mixfa deqsitta magaalal suge. Too saaku Gedalya fan temeetem, Natanyá-Ismaaqil kee Kareyyác-Yohanan kee, Tancumét-Seraayay Natoofâ-magaalah yooboke kee, Yaadanya deqsita numuy Maqkâ-magaalal yoobokehiyyak ten.

2 Malikwa 25:25

Too sanatak malcinhaytoh alsat, Natanyá-Ismaaqiliy Yuudâ-malikik nasab luk yene, tabna num gabat hayya heeh Mixfa yemeeteeh, tokkel Gedalyat qeebi abeeh kaa qideh. Kaa'lih suge Yuuda kee Baabeloonuh yooboke mara edde qide. Natanyá-Ismaaqil, Alisamaq deqsita numuk baxi-baxak ten.

Ermiyaas 43:6

labhaay agabuuy urru kee malikik say-xayloh agantah, gaabossa heenih Masri fan been. Baabelon-qaskarih-abbay Nabudardan deqsitahiyya, Acikám-Gedalyal cabe marak Neeriyyâ-Baaruk kee nabi Ermiyaas agantah, Masri fan been.