2 Malikwa 25:22 - NABUWWA KEE MALIKWA

²² Malik-Nabkadnessar, Acikám-Gedalya, Yuudâ-rasul xintoh-abba kaa abeeh, Yuudâ-rasul elle raaqe maray seewah bee weenihiyyak inkih abba kaa abe. Acikám-Gedalya, Safan deqsita numuk baxi-baxak ten.

2 Malikwa 25:22 ပူးပေါင်းရင်းမြစ်များ

2 Malikwa 22:12

Sarrak Cilkiyya deqsita numuy seekih yeneey, Safan baxa Acikamaay, Miikayhu baxa Qakboruuy, malik buxal kutbe-abeh suge Safan kee, malik buxal malik faxaamih taamat yen Qasaaya deqsita numul amri oobise.

2 Malikwa 25:25

Too sanatak malcinhaytoh alsat, Natanyá-Ismaaqiliy Yuudâ-malikik nasab luk yene, tabna num gabat hayya heeh Mixfa yemeeteeh, tokkel Gedalyat qeebi abeeh kaa qideh. Kaa'lih suge Yuuda kee Baabeloonuh yooboke mara edde qide. Natanyá-Ismaaqil, Alisamaq deqsita numuk baxi-baxak ten.

2 Aydaad 34:20

Sarrak ahaak gubal yan amri, Cilkiyya deqsita numuy seekih yenehiyyaay, Safan baxa Acikam kee, tonnah kaadu, Miikayhu baxa Qabdonuuy, malik buxal kutbe-abeh suge Safan deqsita num kee malik buxal malik kaadintuh yen Qasaaya deqsita numul yecee.

Ermiyaas 26:24

Takkay immay Ermiyaasah tu gactek, Safán-Acikam deqsita num maroh amol yaabal kaa cateeh, tonna leemiik rabak cattiimeh.

Ermiyaas 39:14

Ermiyaas edde suge malik-qarih-daaratak kaa bahsiisen. Sarrak Acikám-Gedalya deqsita numih gabal kaa heen. Sarra «Ta num xabba haay kay buxa fan kaa guddus» iyyen. Acikám-Gedalya, Safanya deqsita numuk baxi-baxak ten. Too num Ermiyaas beyya heeh, kay buxal kaa hayya hee. Tonnal Ermiyaas isi ummattah addal gace.

Ermiyaas 41:1

Woo sanatak malcinhaytoh alsat, Alisamáq-Natanyáh-Ismaaqiliy Yuudâ-malikik nasab luk yeneeh duma kaadu malikik gubal yan numuk yenehiyya, Gedalyat boysita'gidih tabna num is lih wakalih hayya heeh; Mixfa fanah gexe. Ken kee Gedalya kee kay mari inki aracal maaqo xagak sugen waqdi,

Ermiyaas 41:2

Ismaaqil kee a tabna num seef sibba hayteh Gedalya qidde. Tonnal Baabelon-malik baaxoh-abba hee num qiden.

Ermiyaas 43:5

Tonna leemiik Yocanan kee kalah tan qaskar abbobti, duma qeebi yekke saaku kulli rasul fixixih suge maray away Yuudâ-rasu yuduurehiyyak