2 Malikwa 24:2 - NABUWWA KEE MALIKWA

² Too waqdi YALLI, isi nabuwwak dumaak akah iyyeh suge innah, Baabelon kee Suuriya kee Mooyab kee Qammon qaskar Yuudâ-rasu bayissa'gidih kaat ruube.

2 Malikwa 24:2 ပူးပေါင်းရင်းမြစ်များ

2 Malikwa 20:17

‹Ku qarit duyyek enna 'tam kee, ku kaxxa abbobti a saaku fan gaabosse duyye inkih, Baabelon fan edde weeroonu waan wakti xayyooweeh; caboonu waanam malon.

2 Malikwa 22:16

‹Yarusalaam kee teetil yan mara digaaleyyo. Ama kitaabay koh yikriyeenihiyya elle iyya'nnal, bala oobiseyyo› iyyah yan» inte.

2 Malikwa 23:27

Tohuk gexxaamah YALLI iyyeemih, «Duma Israayil-marak abba heem Yuudâ-marak abeyyo. Yuudâ-mara inni foocak kaleyyo. Yarusalaam-magaalay inni magaala akak exceh suge kee, Qibaadâ-Qariy yoo elle yaqbudoonuh doore excehiyya yim hinna» 'yaanam iyye.

2 Malikwa 6:23

Too waqdi Israayil malik kaxxa qibnaytiino keenih abe. Maaqok ken yoskomeeh maqab ken yefqek lakal, Suuriyah-malik fan ken ruube. Too ayrook wadirih, Suuriyah-mari Israayil-rasu buubaanamak raaqeenih.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

Yasaqya 13:5

Inkih yan baad baysaana'gidih, YALLA kee, isi bagcarra gabat le qaskar baad edde yaadiye xer baaxok yamaaten.

Yasaqya 28:19

Bala qaraanak siinit elle amaatinnaanimil sin baysele. Bar siinit amaateleeh, laqo siinit amaatele'mmay saabo sin cabsiisele» iyye. Ta farmok maqna teexegeenik, kaxxa hagga siinil akkele.

Yasaqya 7:17

YALLI, koo kee ku ummatta kee ku buxah maral, Israayil Yuudak baxsinte saakuk wadir akke wee taqabi kee gibdaabina ruubele. Assuuriyah malik siinit ruubele.

Ermiyaas 12:9

Yi maray anu dooritehiyya, kimbiiriy qawi kulli kabuk maraasiytehiyya yekken. Alluwwa ken takme'gidih akah seeca.

Ermiyaas 25:1

Yoosiyaahû-Yahoyaakim malik edde yekke fereyhaytô sanatat Yuudâ-marih giddinaamak YALLIH qangara Ermiyaasal obte. Toh kaadu Nabkadnessar deqsita malik Baabelon malik edde yekke sanatak ten.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 26:20

Ermiyaasak kalah kaadu, Samaqyáh-Uriyya deqsita nabi yen. Too nabi elle yoobokem, Kiriyat-Yaqaarim deqsitta magaalak ten. Too nabi kaadu Ermiyaasak kaxxih, a magaala kee a marat takku waytaamay YALLI kaak warisa iyye warseh yen.

Ermiyaas 26:6

ama qariy yi qibaadah xiseenihiyya Siiloh innah hayya heeyyo. A magaala foyya abba heeh; sarra teetit tekkem yubleeh yoobbe mari itta abaara waqdi, «Woo magaalat tekkem siinit takkay» axcuk, abaaroh tet haysitelon› 'yaanam keenik inxic» yok iyye.

Ermiyaas 32:28

Tonna leemiik, a magaala, Malik-Nabkadnessar kee kay qaskarih gabal heeyyo. Too mari qeebit tet abbixeleeh,

Ermiyaas 35:11

Away dabaaqah Yarusalaam addal nani'mmay, akke nemeetem Baabelon malik baaxo warare saakuuy; too saaku Baabelon-malikih-qaskar kee Assuuriyah-malikih-qaskarak abne meysih, ta magaala nemeete» yok iyyen.

Ermiyaas 52:28

Malik Nabkadnessar isih malik yekkeemih malcinhaytô-sanatat yan saaku, sidiica alfi kee labaatanna kee sidiica num Yuudâ-rasuk seewah bee.

Yacedkel 19:8

Ummatta kay admoh gexxuh yakkeenimik titta geyte. Kulli kabuk gaabooweenih, kaa edde yabbixeeni'gidih, kaxxa sabak kaah qiden. Dagen boodot kaa yibbixen.

Yacedkel 23:23

Baabeloonuh yooboke mara kee Kaldayah yooboke maraay, Fakod kee Sowaq kee Kowaq yooboke mara kee Assuuriyah mara baaheyyo. Oson inkih, qax-maqaane le furraynay farasak qeebi abtahiyya. Baaxoh abbobti kee qaskar abbobtiiy, kaxxa-kaxxa abbootan le mara kee agiirah tan qaskar kinnon.

Miika 3:12

Sin sabbatah Siyon-qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele» iyye.

Cabakkuk 1:6

Macaay inteenik, Baabelon maray racmatta sinniih, geenimit aseehede waahiyyah abbootan aceeyyo. Ta mari baaxooxat qeebi abaana'gidiiy, carbit yabbixeeni'gidih kulli baaxo fan gexelon.