2 Malikwa 23:6 - NABUWWA KEE MALIKWA

⁶ YALLIH Qibaadah-Qarih-addak, Aseera akak iyyaanamay say-yallah luk sugeenihiyyah-ceelo wokkek kaleh, magaalak afal Kidroon-Golo deqsitta goloh addal gira edde ruube. Too girah gombod sahda elle yaaguqen aracal caxe.

2 Malikwa 23:6 ပူးပေါင်းရင်းမြစ်များ

1 Malikwa 14:23

Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

1 Malikwa 15:13

Isi aboyyay migaaqah Maqka deqsittaah, ‹Inah tan maliká› 'yaanam akah axcuk sugeenihiyya woo abbootanak kaleh. Tet abbootanak akah kalem, say-yalla akak iyyan duyyey migaaqah Aseera akah iyyaanahiyyah gurmudday umâ-yabulih-tani soolisseh sugte. Aasa too gurmudda kalla heeh Kidroon migaq le goloh addal carrise.

1 Malikwa 16:33

Tohut maadayinnay qagseh Aseera migaq le say-yalla akak iyyaanam elle yaqbudoonuh gurmudda hee. Tonnah abak YALLAY Israayil doore Dagelta kinnihiyyah bagcarra bahta uma taamat asak suge. Too gital kaak duma sugte Israayil-malikwak inkih fula le umaane usuk abak suge.

1 Malikwa 2:37

Magaalak tewqeeh Kidroon buyyik bisoh iba hayte koo tekkek, raba isih isil tuckumem ixigaay, numuk tu mawan» 'yaanam kaak iyye.

2 Malikwa 10:26

Woo saytun-qamiddu akak axcuk sugen qamidduy wokkel sugehiyya afah yeyyeeqeenih cararisen.

2 Malikwa 10:27

Baqal-elle-yaqbuduh-bicseh-suge-qamiddu bayissaay bututtukka heeniih, Baqal addal akak aqbuduk sugen qari carariseenih. Sarrak woo qari daacoh arac aben. Woo arac uxih a saaku fan daacoh aracah yan.

2 Malikwa 21:7

Yallih Qibaadah-Qarih addal woo migaaqah Aseera deqsittaamay yaqbudeenihiyyah astah heeh suge gurmudda hee. Woo ceelo elle heem, YALLI Malik Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addal doore araca» akak iyye aracak ten.

2 Malikwa 23:12

Yuudâ-malikwa, Malik-Acad buxah amol hayteh sugte mansafittey xeet kee cooxuk bicsen duyyeh qibaada elle abak sugeenihiyya kaleh. Tonnah kaadu, Malik-Manasse qibaadah hee suge mansafittey YALLIH Qibaadah-Qarih namma daaratal sugtehiyya kaleh. Too mansafitte bututtukka heeh, riira keenik Kidroon deqsitta goloh addal qide.

2 Malikwa 23:15

Yoosiyaahu, Nabát-Yarobqamay Israayil mara dambit asisehiyya, Beetal deqsita aracal, gabak bicsen duyyeh-ceelo elle yaqbudoonuh heeh suge arac kee sadgat elle aben mansaf yiggileh. Too duyyeh qibaadah aracay tokkel hee sugehiyya butukku heeh, xeet akak iggiggilla heeh, gomboduh gacissa hee. Aseera akak iyyan duyyey say-yallah luk sugeenihiyyah soolisen gurmuddat gira ruube.

2 Aydaad 15:16

Malik Aasak aboyyah ten barray migaaqah Maqka deqsitak teneh ‹Inah tan maliká› 'yaanam akah axcuk sugeenihiyya woo abbootanak kaleh. Tet abbootanak akah kalem, say-yalla akak iyyan duyyey migaaqah Aseera akah iyyaanahiyyah gurmudday umâ-yabulih-tani soolisseh sugte. Woo duyye wokkek kallaay iggiggilla heeh, Kidroon-goloh addal girat carrise.

2 Aydaad 33:3

Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak bicse. Baqal elle yaqbudeeni'gidih sadgat elle aban arooca bicse. Aseera deqsittaamay yaqbudeenihiyyah astah heenih sugen gurumuuda soolise. Manasse cutuuka kaadu edde aqbuduk yen.

2 Aydaad 34:4

Baqal akak iyyaanamay yaqbudeenihiyyah heenih sugen sadgatih arooca kee too aroocak garil sugte qaydarus elle qeerisan mansafwa, kay foocal, bayissaay bututtukka heen. Aseera deqsittaamay yaqbudeenihiyyah astah heenih sugen gurumuuda kee, wohuk kalah tan duyyeeyay xeet kee cooxuk bicseenihiyyay Yallih aftok aqbuduk sugeenihiyya bututtukkay riira abba heenik wadiril, woo duyyeh qibaadah sadgat abak suge marih kabril caxen.

Ermiyaas 17:2

Sin mari silal le cooxih xaqul kee, koomaamih amo kee dululuh tan baaxol yan qaleelah amol, say-yalla akak iyyan Aseerâ migaaqal soolisen gurumuuda kee tet qibaadah xisen arooca yaqbuden. Edderra hayteenim kee maaluk elli haytaanam, a baaxoy siinih aceehiyyal abten dambih sabbatah, sin naqboytiitih gabat sin aysacawweyyo.

Ermiyaas 22:18

Tohu'mmay YALLI kok iyyaamah, «Yoosiyaahû-Yahoyaakimow, ku rabah num weeqe waama. ‹Woyyow ni toobokoytaw› axcuk koh boogise waanama. ‹Woyyow, Yi amoytaw! Yi malikow!› iyyaah koh weeqe num ane waama.

Ermiyaas 31:40

Away baruuga kee guddaafa edde qidan golo kee, Kidroon buyyik daga le kabu raqta booxak xabba haanamaay, Faaris-Afa deqsita aracak ayrô-mawqa le qaxat raqqa 'ta baaxo inkih, yoh caben baaxoy taahirik tani akkele. Too magaala tahak wadir mataddigilaay mabaata» 'yaanam iyye.

Makaabon 3:7

Israayil-mari isi Dagelta hawwenna heeh, Baqal kee Aseera deqsittaamay woo mari Yallih aftok aqbuduk sugehiyya ken lih yuqbuden. Tohum YALLIH garil dambik keenil loowinte.