2 Malikwa 23:29 - NABUWWA KEE MALIKWA

²⁹ Ayrok teena Masri malikiy migaaqah Nako deqsitak yenehiyya, Assuuriyah-malikih catoh, qaskar Fuurat-weeqaytu fanah ruube. Yoosiyaahu toh yuble waqdi, Magiddo deqsita aracal ken yayseede'gidih, keenih matre. Sarrak too qeebit edde rabe.

2 Malikwa 23:29 ပူးပေါင်းရင်းမြစ်များ

1 Malikwa 4:12

Aciilúd-Baqna kaadu Taqnak kee Magiddo deqsitta magaalooli kee Beet-Saqan garil enna 'ta baaxok abbah yen. Beet-Saqan deqsitta baaxo, Yidraqel magaalak xayi tan Xartan deqsitta magaalak xabba haanamaay Aabil-Macoola magaala kee Yokmaqam magaalah amma 'yaanam tan baaxo.

2 Malikwa 14:11

Amaxya too yab kaak cineh. Too waqdi Malik-Yahoqas isi kee isi marah gaaduh kaah gexeeh, Beet-Semes deqsita aracal qeebi kaat abe. Beet-Semes Yuudâ-baaxol geytima araca.

2 Malikwa 14:8

Amaxya Israayil-malikih-yen-Yowaahad-baxa-Yahoqasah farmo ruube. Farmoh kaak iyyeemih, «Qeebih yoo duude tellek, bical gacay» 'yaanam farmoh kaah ruube.

2 Malikwa 22:20

Takkay immay, Yarusalaam magaalat abu waah an digaala, atu addunyal tanim fanah, maaba. Atu tanim fanah ku baaxo amaanah xiineleeh; amaanah koo xiiniseyyo› 'yaanam YALLI kaak iyyem kaah warisa» 'yaanam farmoh keenil gacisse. Too mari too farmo luk malik fan yuduure.

2 Malikwa 23:28

Wohuk kalah taniimiy Yoosiyaahu abba heehiyya Yuudâ-Malikwah-Aydaada deqsita kitaabih addal tan.

2 Malikwa 24:7

Baabelon-malik, kaak dumal Masri-milkih gubat ten baaxok, Fuurat-weeqaytuk xabba haanamaay Masri cuduudul yan daqaarih amma 'yaanam takke baaxo yibbixeeh; tohih sabbatah Masri malik kee kay qaskar Masrik gaaduh magexinnon.

2 Malikwa 9:27

Yuudâ-malikih yen Acadya tekkem yuble waqdi, Beet-Cagan magaala fan isi gaarit kude. Yaahu lakak kaa yeyredde. Too waqdi isi marak iyyemii, «Kaa kaadu macabinay qida» iyye. Sarrak Acadya, Yiblaqam garit yan Guur-magaala fan yawqe gita gaarih amot kudak suge waqdi, Yaahû-mari kaa mudeh. Takkay immay gaarih amot gacca 'yeh Magiddô-magaala aleelite. Tokke gufe waqdi rabe.

Ermiyaas 22:10

Yuudâ-maraw, Malik-Yoosiyaahuh maweeqina. Kay rabah markitinaay marookitina. Takkay immay kay baxa Yowaacadah kaxxam weeqa. Akak aduure waa beytoh kaa been. Ahak wadir elle yooboke baaxo wadirik mayaduura.

Ermiyaas 22:11

YALLI, Yoosiyaahû-Yowaacad giddinaamak iyyeemih, «Usuk isi abbah aracal malikih suge'mmay a baaxok kaa beeniih;

Ermiyaas 22:12

tahaysa wadiriik mayaduuraay marin baaxoy seewah kaa elle beenihiyyal rabele» 'yaanam iyye.

Ermiyaas 46:2

Yoosiyaahû-Yahoyaakim Yuudâ-malik edde yekke fereyhaytô sanat, Furaat weeqaytih xaqul Karkamis deqsita aracal, Baabelon-malikiy Nabkadnessar deqsitahiyya, Masri-malikiy migaaqah Nako deqsitahiyya le qaskarat qeebi abeeh, qeebil keenik yeyse. Too saaku YALLI, Masri giddinaamak Ermiyaasak iyyeh sugem ah teeti:

Ermiyaas 46:6

Kaxxam yarde mari gufa'kke mali. Qaskar tasillime'kke mageyta. Fuurat weeqaytih xaqul qeebi keenil radah able'mmay nasri waanah», 'yaanam YALLI iyya.

Yacedkel 19:1

Yalli, Israayilik namma malikih nadaamah yan weeqa yok ‹Aba› iyye.

Zakariyya 12:11

Too ayro Yarusalaam mari, Hadad-Rimmon deqsittaamah Magiddo deqsitta booxal rookah ummat akah gacte innah, gacelon.

Yoosuwa 17:11

Issakar kee Aaser geen baaxol, Manasseh yeceen magaalooli ah teeti. Beet-San kee Yiblaqam kee, Door deqsitta magaalay baddi afal tanihiyya kee, Qendor kee Taqnak kee Magiddo kee ken dariifal enna 'ta gaandoodi inkih kenim tekke.

Makaabon 1:27

Manasseh yooboke mari, Beet-Saqan kee Taqnak kee Door kee Yiblaqam kee Magiddo kee wohih dariifal tan gaandoodil suggu 'ye mara mayyaaqinnon. Kanqaan mari tokkel elle raaqe.

Makaabon 5:19

Taqnak deqsita aracal Magiddo deqsita illaltih garil malikwa temeeteh qeebi abte. Kanqaan baaxoh malikwa qeebi abte. Takkay immay oson lakqo mabennon.