2 Malikwa 23:27 - NABUWWA KEE MALIKWA

²⁷ Tohuk gexxaamah YALLI iyyeemih, «Duma Israayil-marak abba heem Yuudâ-marak abeyyo. Yuudâ-mara inni foocak kaleyyo. Yarusalaam-magaalay inni magaala akak exceh suge kee, Qibaadâ-Qariy yoo elle yaqbudoonuh doore excehiyya yim hinna» 'yaanam iyye.

2 Malikwa 23:27 ပူးပေါင်းရင်းမြစ်များ

1 Malikwa 8:29

A qarik bar kee loqoh amo wagit. A qariy ku qibaada-elle-takke'gidih doortehiyyah fan ufkunna exceh kulli waqdi abah an dooqa yok raabit.

1 Malikwa 9:3

YALLI kaak iyyeemih, «Abte dooqa kok oobbeh. Atu xisse qari taahirroyseeh; kulli way yoo elle yaqbudoonu waan qari kinnuk, ahaysa yi inti kee yi afqado kulli waqdi kaa dacrisele.

2 Malikwa 17:18

Tohuk gexxaamah YALLI Israayil-mara yinqibeeh isi garik ken xiiriyeh. Keenik raqtem, dibuk Yuudâ-mara.

2 Malikwa 17:20

Tonnal YALLI inkih yan Israayil mara yinqibeeh; ken digaaleh, ken naqboytiitiy racmatta sinnih gabal ken hee. Ellecabol isi garik ken xiiriyeh.

2 Malikwa 17:23

Sarrak ellecabol, isi nabuwwak akah inxicca 'ye innal, isi garik ken xiiriyeh. Tonna-leemiik Assuuriyah-baaxo ken yiskiliqeeh tokke fan seewah ken been. Ta saaku fanah tokkel yanin.

2 Malikwa 18:11

Assuuriyah-malik Israayil-mara Assuuriya fan seewah bee. Sarrak keenik tu takkem Calac magaalal nookiseeh, gersi mara keenik Cabor weeqaytih garil Goodan deqsita rakaakayal nookise. Wohuk raqtem kaadu Meediya deqsita marih-magaaloolil nookise.

2 Malikwa 21:13

Samaariya kee Israayil-malikih yen Acab kee kay buxah mara akah digaale innah, anu sin kaadu digaaleyyo. Yarusalaam-magaala, teetil suge marak foyyah tet cabba heeyyo. Bagul sugtem akak duugeeniih deeriik afah korsen sacnih innah, foyyah tet cabba heeyyo.

2 Malikwa 21:14

Tahak raaqu waa marat darre cabeyyo; naqboytit gabal ken heeyyo. Woo mariiy qeebil keenik ayseleeh; yeddereenim keenik buubelon.

2 Malikwa 21:4

YALLIH Qibaadah-Qarih addal, diini-maleela taqbude sadgat elle aban arooca bicse. Woo sadgat arooca elle bicsem, YALLI duma «Yarusalaamal yi qibaada elle takke'gidih doore» akak iyye aracak ten.

2 Malikwa 21:7

Yallih Qibaadah-Qarih addal woo migaaqah Aseera deqsittaamay yaqbudeenihiyyah astah heeh suge gurmudda hee. Woo ceelo elle heem, YALLI Malik Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addal doore araca» akak iyye aracak ten.

2 Malikwa 23:28

Wohuk kalah taniimiy Yoosiyaahu abba heehiyya Yuudâ-Malikwah-Aydaada deqsita kitaabih addal tan.

2 Malikwa 24:2

Too waqdi YALLI, isi nabuwwak dumaak akah iyyeh suge innah, Baabelon kee Suuriya kee Mooyab kee Qammon qaskar Yuudâ-rasu bayissa'gidih kaat ruube.

2 Malikwa 24:3

Tah YALLIH fayxih tekkeemiiy; YALLI, Manasse abe dambi kee, axcihiiy, tu baahe wee marat abe qidiyyak gexxaamah, YALLI Yuudâ-mara isi garik xiiriyeh. YALLI, Manasseh too dambi macabinna.

2 Malikwa 25:11

Tohuk gaba kale waqdi, Nabudardanay qaskar abbah yenehiyya magaalah addal raaqeh suge mara kee, gabâ-naggarinna luk yen mara kee, qeebi yekke way Baabelon qaxat gaceh suge Yuudah-mara inkih, Baabelon fan seewah bee.

2 Malikwa 25:21

Ribla Camat deqsita rasul tan magaalak ten. Tokke ken baahen waqdi, malik ken qidsiiseh. Yuudâ mara seewah elle beenim tonnak ten.

Ermiyaas 15:4

Ciskiyyaahû-baxi Manasse, Yuudal malikih yen saaku abe umaanek gexxaamah, baadal enna 'ya mari anu siinil baahem yaabbu waa waqdi, kaxxa wariggah wariggitelon» 'yaanam yok iyye.

Ermiyaas 23:20

YALLIH bagcarra isih faxem abe'kkal, maxabbacowta; keenih loowe digaala keenit abele'kkal, macaba. Yamaatu waa dabaanal tahat radettoonuuh; aaxigetton.

Ermiyaas 23:33

Ermiyaas iyyemii, YALLI yok iyyeemih, «Tahak wadir yi marih num takkuu, seeka kee nanu nabuwwa kinnino iyya marak numuk teeni, ‹YALLI farmoh maca kol ruube. Ta saaku kaadu quukah maca nel haam faxa?› kok iyyeenik, keenik intamaa, ‹YALLAL quuka tekkem siiniiy; tohuk gexxaamah YALLI sin bayisaamat yemeeteh yan› keenik inxic.

Ermiyaas 23:39

tonnal tahak wadir sin kee isin elle tanin magaalay duma sin kaxxa abbobtih eceeh sugehiyya ukkuqqa heeh baaxot qideyyo. Inni foocak sin kaleyyo.

Ermiyaas 31:37

Qagseh iyyeemih, «Qaran yamittiroonu duudaanaa? Maduudan. Baaxo edde taade buxux goranal maay geyan? Mageyan. Hay tonnal, Israayil mari faxem abaamah, ken cineyyo 'yaanam too gideey; takkem hinna. Tahat yabtam yoo YALLA» 'yaanam iyye.

Ermiyaas 32:31

Yarusalaam mari a magaala xissimma 'teemiiy akke fan, naqabu kee bagcarra yot qidak sugen. Tohih sabbatah a magaala baysaamat emeete.

Ermiyaas 33:24

‹Ermiyaasow, Israayil kee Yuudâ marak sinam intam maay toobbe? A namma maray anu innih doorehiyyak, ‹Yalli Israayil kee Yuudah ummatay duma dooreh sugehiyya a saaku cineh› 'yaanam iyyan. Wohut mayaadiyaanay, woh iyya mari isih ken burutaah, doolat caddot ken mayablan.