2 Malikwa 23:25 - NABUWWA KEE MALIKWA

²⁵ Kaak duma kay inna le malikiy Yalli-Muusal-oobise-kitab inxicca 'yam inkih abahiyya masuginnaay; usuk dudda haam kee niyak elli haamak isi Dagelta yuqbude. Kay lakal kaadu kay inna le malik magacinna.

2 Malikwa 23:25 ပူးပေါင်းရင်းမြစ်များ

1 Malikwa 15:5

YALLI ah akah abemii, Dawud kaa ruffa haytam abak sugeeh; YALLI aba iyyeemik, Ciitah-yooboke-Uriyya-deqsita-numul-baaheemiik kalihimik, YALLI inxicca 'yem inkih abak suge.

1 Malikwa 2:4

YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

1 Malikwa 8:48

Oson too baaxoy seewah-ken-elle-beenih sugeenihiyyal nummaak isinni afqadook toobitta 'yeenih koo kallacan ken tekkekii, too kallaciy kot abaanahiyya kaadu a rasu ken kaxxa abbobtih ikoytah taceehiyya fan ufkunnaay, kaadu ta magaalay atu isih doorittehiyya fan ufkunnaay, tonnah kaadu, ta qariy anu ku qibaadah xisehiyya fanah afkunuk aben ken tekkek,

2 Malikwa 18:5

Ciskiyyaahu YALLAY Israayil doore Dageltah yanihiyya yeemeneeh; Yuudâ-rasi kay innah yan malik duma luk masuginnaay, sarra kaadu kay lakal magenna.

2 Malikwa 23:3

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule. Inkih tan ummatta kay lakal xagana culte.

Nacmiya 10:29

nek saqoltih yan mara lih gacca inneh, ‹Yallih xintoy isi naqasuh yan Muusal ruubehiyya intam cinna haynek, digaalah abaaro nee tabbaxay› 'yaanamal xiibinnah nan. YALLAY ni Dageltah yanihiyya nee akah amrisem oggolenno. Kay amri kee usuk nek aba iyyem abenno 'yaanamal titta geynah nan.

Nacmiya 10:30

Tonna leemiik, akkel ni rasul ne'lih yan marin baaxoh maral rihime waynaah, nek kaadu rihmise waanama.

Ermiyaas 22:15

Hay tah abam faxa numow, tah abtam kaxxa malik koo abelem maay takkale? Ku abba meqe manoh sugeeh qadaalat kee maqaane le numuk ten. Tohuk gexxaamah abinnaanim gabal kaak bicak ten.

Ermiyaas 29:13

Baguuk yoo gorrissoonu waytan waqdi yoo geetton. YALLAW, axcuk gaba deerih yoo fan heetton. Too kallacil siinih amaateyyooh, sin baaxo fanah sin gacseyyo. Fixixih elle enna intan baaxo kee aroocay anu sin elle fixixisehiyyak, sin baaxo fanah sin gacseyyo. Tahat yabtam yoo YALLA› 'yaanam siinik iyya.

Malaaki 4:4

«Muusay yi naqasuh yanihiyya sin barsem kee, kay gabal Israayil marah Siinâ Qaleh amol ecee xinto kee madqay kataataana'gidih keenih ruubehiyya, isin kassita.