2 Malikwa 23:24 - NABUWWA KEE MALIKWA

²⁴ Kaxxa seekih yen Cilkiyya YALLIH Qibaadah-Qaril gee kitaabal yan yab abinal akah asa'nnah, Yoosiyaahu Yuudâ-baaxo kee Yarusalaam addal sugga 'te ginnilitteey kalluwalleey faal-abeenit kee, buxah addat aqbuduk sugen duyye kee, wohuk kalah tan duyyey yaqbudeenihiyya kee, umâ-yabuli enni intaamak tu macabinnay inkih kale.

2 Malikwa 23:24 ပူးပေါင်းရင်းမြစ်များ

2 Malikwa 21:11

«Yuudâ-malikih yan Manasse gacca 'ta taamay Kanqaan mari abeemik kaxxam lafittahiyya abeeh; Yallih-aftok yaqbude duyyet, Yuudâ-mara kaadu Yalla-maleela edde gexxa gitat bee.

2 Malikwa 21:21

Abba abak sugem abeeh; kay abba aqbuduk suge xeet kee cooxuy gabak orra heenih bicseenihiyya kaak kaxxih yuqbude.

2 Malikwa 21:3

Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak xise. Baqal elle yaqbudeeni'gidih, sadgat elle aban arooca bicse. Kaak dumal Israayil-malikih yen Acab akah abe innah, migaaqah Aseera deqsittaamay yaqbudeenihiyyah astah heenih sugen gurmudda soolise. Manasse cutuuka kaadu edde aqbuduk yen.

2 Malikwa 21:6

Girat isi baxa sadgatah qide. Ramli-qidiyya kee sicri taamah haysiteeh; ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

2 Malikwa 23:23

Too qiid YALLIH massakaxxah abeenim, Yoosiyaahu malik edde yekke taban kee bacarhaytô karmak sugte.

Yasaqya 19:3

Masri marih mala foyya abeyyooh, niya keenik aggileyyo. Yalla 'yeenih yaqbudeenimil cato esserelon. Ginnili kee kalluwallel fayu essereloonuuh, rabe marih roocaaniyyak, ‹Maca neh taysee?› 'yaanam axcelon.

Hosiqa 3:4

Israayil mari kaadu tonnah malik haysite'kal, abbah num hee'kal, sadgat abe'kal, xeetik bicsen qamidway yaqbudeenihiyya kee Yalla 'yeenih tu elle esseran duyye aalle'kal, mango wakti qambaalak sugelon.

Makaabon 17:5

Miika qibaada elle aba arac luk yen. Yaqbuden duyyey gabak bicseenihiyya kee, rikeek tan saroy sek haysita buxal luk yen. Too duyyey yaqbudeenihiyyah garil gacu waa seekih isi baxa hee.