2 Malikwa 23:20 - NABUWWA KEE MALIKWA

²⁰ Woo aroocal sugte mansafittel, seekâ-gurrah sadgatah baahan duyye gabal akak acayuk sugen mara inkih yusguudeeh, woo mansafittel sahda lafa cararise. Tohuk gaba kale waqdi, Yarusalaam fanah yuduure.

2 Malikwa 23:20 ပူးပေါင်းရင်းမြစ်များ

1 Malikwa 13:2

Too-nabi, YALLI kaak inxica elle iyye innal, iyyemii, «Sadgat-aracaw, sadgat-aracaw, kok axcem oobbey! YALLI kok inxicca iyyem kok axcu waa. Dawuduk radu waa marak Yoosiyaahu deqsita awki aabukele. Too awki yanabu waa saaku, qibaada-elle-aban-aroocay fayyat raqtahiyyal seekâ-gurral taamita maray ku gari sadgatah qaydarus qeerisaanahiyya qideleeh, ku bagul ken carrisele. Sahdayti-lafa ku bagul carriselon» iyye.

1 Malikwa 18:40

Eliyyas too waqdi, «Baqal-nabuwwa ibbixaay baaha. Num keenik gexe kalay ken baaha» iyye. Ummatta woo nabuwwa inkih tibbixeeh; too waqdi Eliyyas, Kisyon-weeqaytu fan beyya ken heeh, weeqayti-garil ken qidsiise.

2 Malikwa 10:25

Yaahu cado akak carrisan sadgat woo aracal akah xayyoose'nnak, woo qaskar kee qaskar abbobtik iyyemii, «Addah culay, yakkeenimiik inkih ken qida. Num keenik asillime kala» iyye. Too waqdi too qaskar kee qaskar abbobti siiben seefwa lih adda culeeniih, suggu 'ye mara inkih qideeniih raysa keenik giitak afah yeyyeeqen. Sarrak qarik saytun-arac deqsita aracak-iqiya fan gexen.

2 Malikwa 11:18

Tohuk wadir tokkel suggu 'ye mari inkih, Baqal elle yaqbuden qari gexeeniih bututtukka heen. Tokkel sugte sadgat elle abak sugen arooca kee, xeet kee cooxuk bicsen duyyey Yallih aftok yaqbudeenihiyya yiggiggileenih. Mattan deqsita numuy Baqal-yaqbude-mari seekih sugehiyya sadgat elle abak sugen aroocak foocal qiden. Sek Yoyadaq YALLIH Qibaadah-Qarit dacrissa qaskar heeh.

2 Aydaad 34:5

Woo duyyeeyay yaqbudeenihiyyah seekah luk sugen marih lafoofi kaadu woo duyyeh qibaadah sadgat elle abak sugen mansafwal cararisen. Tonnah abak, Yoosiyaahu Yuudâ rasu kee Yarusalaam duma akah suge taahiriino gacse.

Yasaqya 34:6

Sadgatah qidan saqa edde yasguuden gilel, qabala kee xayti elle raaqa gurrah, YALLI a mara edde qidu waa seefih bagul, qabal kee xaytak mangom raaqele. Macaay inteenik, YALLI Bosrâ-magaalal sadgatah ken qideleeh; Edom baaxol ken asguudeleeh, selele.