2 Malikwa 23:11 - NABUWWA KEE MALIKWA

¹¹ Tonnah kaadu, Yuudâ-malikwa ayrô-qibaadah hayteh sugte faroosa, elle sugte aracak kaleh. Gaariiray kaadu Yuudâ-malikwa ayrô-qibaadah heenih sugeenit gira ruube. A faaris kee gaariira elle sugtem, YALLIH Qibaadah-Qarih-daaratah akak culan afak ten. Tohum, Naatan-Melek deqsita numuy abbootan lehiyya qarik xayi aracak ten.

2 Malikwa 23:11 ပူးပေါင်းရင်းမြစ်များ

2 Malikwa 23:5

Qibaada elle aban aroocay fayyat raqtahiyyay Yuudâ-magaaloolih adda kee Yarusalaam garil geytimtahiyya elle suge maray, seekâ-gurral qerto ruubak sugehiyya, wokkek xiiriyeh. Kaak duma Yuudâ-malikwa, too mara, Baqal-akak-iyyan-duyyey yallah loonu kee, ayro kee alsa kee qaran-cutuukah seekâ-gurral qerto ruubaana'gidih, heenih sugen.

1 Aydaad 26:18

Ayrô-culma le kabut raaqa daaratat affara numuy giti xaqut raqtahiyya dacayrih gacak ten. Namma num kaadu woo daaratih addat dacayrih gacak ten.

2 Aydaad 14:5

Yuudâ-magaaloolik kaak duma sugte diini-maleela qibaada-elle-aban-aroocay fayyat raqtahiyya kee qaydarus elle qeerisak sugen arooca bayisak sugeeh; tohuk gexxaamah usuk malikih suge saaku kay baaxo amaanah sugte.

2 Aydaad 34:4

Baqal akak iyyaanamay yaqbudeenihiyyah heenih sugen sadgatih arooca kee too aroocak garil sugte qaydarus elle qeerisan mansafwa, kay foocal, bayissaay bututtukka heen. Aseera deqsittaamay yaqbudeenihiyyah astah heenih sugen gurumuuda kee, wohuk kalah tan duyyeeyay xeet kee cooxuk bicseenihiyyay Yallih aftok aqbuduk sugeenihiyya bututtukkay riira abba heenik wadiril, woo duyyeh qibaadah sadgat abak suge marih kabril caxen.

Yacedkel 40:17

Sarrak too num Qibaadâ-Qari akak culan afak daarat fanah yoo bee. Tokkel woo irô-kabu raqta gasot xakabuh xisen soddom goli yen. Too soddom golik foocat xeet qalumuh elle heen arac yen.

Yacedkel 8:16

Sarrak Qibaadâ-Qarik adda le kabut raaqa daarat fanah yoo bee. Tokkel, YALLIH Qibaadah-Qarih adda akak culan culma kee sadgat elle aban aracak fanal, labaatanna kee koona num yen. Too labaatanna kee koona numuu, qibaada qarit darre cabak, ayrô-mawqa fan qununnu 'yeh, tawqeh tan ayro aqbuduk yenen.