2 Malikwa 23:10 - NABUWWA KEE MALIKWA

¹⁰ Hinnom deqsitta goloh addal, yalla axcuk yaqbuden duyyeh qibaadah heen aracay Toofet deqsita foyya keenik abe. Toh keenik akah abem, too aracal duma Molok deqsitaamih sadgatah isinni xaylo girat qidak sugen. Toh elle abe waana'gidih, too arac foyya keenik abe.

2 Malikwa 23:10 ပူးပေါင်းရင်းမြစ်များ

1 Malikwa 11:7

Yarusalaamak ayrô-mawqa le kabu raqta qalel, Kamos deqsitta umâ-yabulih tan duyyey Mooyab mari Yallih aftok aqbuduk sugehiyya elle yaqbudeeni'gidih arac keenih bicse. Tonnah kaadu, Qammon mari yallah le Milkom deqsittaamay umâ-yabulih tanihiyya elle yaqbudeeni'gidih arac keenih bicse.

2 Malikwa 16:3

Duma sugte Israayil amoytiitik kaxxih, Yalli niqbam abak suge. Ayrok teena Acad girat isi baxa sadgatah qide. Usuk woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih-tan qaadah gabbaaqiyyak ten.

2 Malikwa 17:17

Too duyyey yaqbudeenihiyyah isinni xaylok labim kee sayim girat sadgatah qidaanam baahen. Kalluwalle kee ramli qida maral fayu esseren. YALLIH garil dambik loowintaamat aseeniih, YALLAT naqabu ugsen.

2 Malikwa 21:6

Girat isi baxa sadgatah qide. Ramli-qidiyya kee sicri taamah haysiteeh; ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

2 Aydaad 28:3

Hinnom deqsitta golol gabat bicsen duyyeh qaydarus qeerisak suge. Kaadu girat isi xaylo sadgatah qide. Woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih tan qaadah gabbaaqiyyak ten.

2 Aydaad 33:6

Girat isi lab-xaylo sadgatah Hinnom-Goloh addal qide. Ramli qidiyya kee sicri taamah haysiteeh, ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

Nacmiya 11:30

Danowac kee Qadullam deqsitta magaala kee a sidiica magaaloolih dariifal tan gaandoodil dabaaqah gacen. Ta magaalooli kee gaandoodik kalah kaadu, Laakis deqsitta magaala kee a magaalah dariifal tan baqurê-baaxol dabaaqah gacen. Qadeeka deqsitta magaala kee woo magaalah dariifal tan gaandoodil kaadu dabaaqah gacen. Tonnal, Yuudah yooboke mari elle nooke baaxo, gabbi le qaxak Bersabaq kee kilbat le kabuk Hinnom Golo deqsita namma aracih fanat ten.

Yasaqya 30:33

Assuuriyah malikih raysi edde carara'gidih, kaxxa gira dumaak bical sugte. Ta arac, kaxxa adda leeh baar le araca. Mango boco sittin bagul akak heen araca. YALLI isi ufuy urta *danih innah habug iyyahiyya too bocot ruubele.

Yasaqya 57:5

Kaxxa cooxih gubay yalla akak intan duyye elle taqbudeenihiyyal, mango dalwa abtaanaah; xixxaqak tan gablooli kee goloolah addal, isinni xaylo sadgatah qiddan.

Ermiyaas 19:2

Ken lih gacca 'xicay Galqi deqsitta afaak, Hinnom Golo deqsita arac fanah gexa» yok iyye. «Tokke gufta waqdi intaamahaa,

Ermiyaas 19:4

Macaay inteenik, yoo maaqilteeniih, yot darre cabteeniih, yalla axcuk taqbuden duyyey xeet kee cooxuk bicseenihiyyat baaxo wasak abten. Taham duma sin kaxxa abbobti aaxaguk sugtem hinnaay; isin, Yuudâ-malikwak, kaadu aaxaguk sugteenim hinna. Tohuk kalah kaadu, a baaxo tu baahe wee marih qabalat bayissen.

Ermiyaas 19:6

Tonna'mmay a arac migaaqah Toofet madeqsitaay Hinnom Golo madeqsita. Takkay immay, Masgaadâ-Golo deqsitele. Too ayroora gitat tan.

Ermiyaas 32:35

Baqal akak iyyan gabak bicsen duyyey yaqbudeenihiyyah, Hinnom-Golo deqsita aracal, sadgat elle aban arac xiseeniih; tokkel migaaqah Molok yalla akah iyyan duyyey yaqbudeenihiyyah sadgatah isinni xaylo yusguuden. Annah tanim anu keenik aba excem hinna. Annah tanim yi kasal way temeetem hinna. Yuudâ-mari annah taniimiy umâ-yabulih tanihiyyay dambi keenil takkehiyyat aseloonum makkalinniyo» 'yaanam iyye.

Yacedkel 16:21

yi xaylo beyya hayteh, xeet kee cooxuk bicsen duyyey taqbudeenihiyyah sadgatah tusguude.

Yacedkel 20:26

Isinni xaylok naharsi-xaylo, umâ-yabulih xeet kee cooxuk bicsen duyyeh qibaadah arac sadgatah baahah ken abalih, yanoonay ken axcuk suge. Toh keenik akah abak sugem, abeenimik xagar keenik wacarriya'gidiiy ken Dagelta dibuk yoo kinnim yaaxigeeni'gidi.

Yacedkel 20:31

A saaku kinni way too duma sin abbobti akah abak sugga 'te innah, too bis le sadgat abtaanaah, keenik kaxxih isinni xaylo sadgatah girat carrissan. Tonnal isinni nabsi nadaasa abtan. Tannah tanim abba hayteenik sarra, wadir yi fayuh esseroh yol tamaaten. Waara YALLAY Mulki lehiyya kinniyooh inni migaaqal xiibita'mmay, tahak wadir tu yoo esseri sin maha.

Yoosuwa 15:8

Too aracaak Hinnom-Golok qaxa-qaxa gacca 'yah, gabbi-qaxak Yarusalaam deqsitta magaalay Yabuusâ mari elle yanihiyya fan gufa. Tokkeek cuduud keenikii, Hinnom deqsitta golok ayrô-culma le kabut raqta koomah amoh amma 'yaanam guffa haah, tokket yaade. Tohumuu, Refaayim Golo deqsitta golo kilbat le kabuk edde taadee aracak ten.

Yoosuwa 18:16

Tokkeek cuduud keenik Refaayim Golo deqsitta golok kilbat le kabut raqta qaley Hinnom Golo akak amballayuk raqtahiyya fanah ooba. Tokkeek Hinnom Goloh addal gacca 'yeh Yarusalaam amot akak raqta qalel gabbi-qaxal tan ullulluk Qenrogel deqsita buyyi fanah yamaate.