2 Malikwa 22:8 - NABUWWA KEE MALIKWA

⁸ Safan, malik kaal ruube farmo Cilkiyyah warseh. Too waqdi Cilkiyya, farmo-baahe-Safanak iyyeemih, «Yallih-xinto elle tan kitab, YALLIH Qibaadah-Qarih addal geeh; taway too kitab koo ayballayu waa» kaak iyye. Sarrak too kitab baaheh kaa yuybulleeh; Safan too kitab yikriyeh.

2 Malikwa 22:8 ပူးပေါင်းရင်းမြစ်များ

2 Malikwa 22:9

Tohuk lakal Safan malik fan yuduure. Too waqdi malikik iyyeemih, «Ku gubal yan mari, Qibaadâ Qaril sugte lakqo beenih, taama aba marih amo wagta maral yeceenih.

2 Malikwa 23:2

Too mari yemeete waqdi, gabat ken luk YALLIH Qibaadah-Qari fan gexen. Ken lih seeka kee nabuwwaay, raqqa 'te ummatak gaddaliiy baacoyta axce'kal yakkeenimiik inkih tokke gexen. Too ummat inkih elle gaabowte ikkel malikii, a kitaabay YALLIH Qibaadah-Qaril geytimehiyyal yan yab keenih yikriye.

2 Malikwa 23:24

Kaxxa seekih yen Cilkiyya YALLIH Qibaadah-Qaril gee kitaabal yan yab abinal akah asa'nnah, Yoosiyaahu Yuudâ-baaxo kee Yarusalaam addal sugga 'te ginnilitteey kalluwalleey faal-abeenit kee, buxah addat aqbuduk sugen duyye kee, wohuk kalah tan duyyey yaqbudeenihiyya kee, umâ-yabuli enni intaamak tu macabinnay inkih kale.