2 Malikwa 22:17 - NABUWWA KEE MALIKWA

¹⁷ «Kalah kaak intaanamahaa, ‹Toh akah abu waam, oson yoo cineeniih xeet kee cooxuk isinni gabak bicsen duyye yaqbuden. Anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

2 Malikwa 22:17 ပူးပေါင်းရင်းမြစ်များ

2 Malikwa 21:22

YALLAY usuk akak rade kay kaxxa abbobti doorehiyya cinna heeh usuk aba iyyam abam cineh.

2 Aydaad 28:25

Sadgat elle abaana'gidih, Yuudal enna 'ta magaaloolil duyye elle yaqbuden aroocay fayya lehiyya xise. YALLAY kaak duma usuk akak rade kay kaxxa abbobti doorehiyyah naqabu isil oobise.

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Yasaqya 33:14

Siyon-qalel tan dambileelat kaxxa cunxo hayte. Yalla-maleela meysih axaxitte. «A giray muxuq intak iyyi yalliile? Daayiman urta girat carariyya iyyi faxa?» iyyan.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 17:27

Tonna'mmay yi yab oggoltaanam siinil taniih, sabti ayro taahirik tan ayro kinnim taaxigeenim siinil tan. Too ayro Yarusalaam magaalah afaak magaalah adda duyye merraytul culuse waytaanama. Sunkul culuse waytaanama. Takkay immay yi yab cinna hayteenih culussen sin tekkek, Yarusalaam akak culan afat gira ruubeyyo. Too gira malik qarit gexeleeh, sarra num tet mabargusa, siinik iyyah yan› keenik inxic» yok iyye.

Ermiyaas 22:9

Sinam, ‹Amah YALLI teetil akah baahem, teetil yen mari YALLAY ken Dagelta kinnihiyya lih luk yen qahdi hawweeneenih, kaa cabba heenih duyyey gabak bicseenihiyya yaqbudeenim baahen› 'yaanam axcelon, 'yaanam kaak inxic, yok iyye» iyye.

Ermiyaas 36:7

Macaay intek, YALLI, bagcarra keenil baahu waam edde keenih warseh yeneeh; too bagcarra cunxo keenit qiddeemih taagah, aben umaanek yaduureeniih YALLA kallacaanam takkeh» 'yaanam kaak iyye.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Miika 5:13

«Xeet kee cooxuk bicsen duyyey taqbudeenihiyya siinik bayseyyo. Xeetik bicsen qamidway yaqbudeenihiyya siinik bayseyyo. Ahak wadir isinni gabak bicissen duyye mataqbudan.

Xafanya 1:18

Too ayro bagcarriteyyo'mmay, yi bagcarrak oson lon dahab kee lakqo ken mawadda. Inkih tan baaxo yi naqabuh obtu wayta girat cararele. Anu num cabe'kal, garciik addunya bayseyyo» 'yaanam iyye.

Zakariyya 1:2

YALLI wacyih Zakariyyak iyyeemih, «Gexay ummatak intaamah: Yoo YALLAY Nabaamak Nabahiyya sin kaxxa abbobtit kaxxam bagcarrite saaku luk en. Awayah tu gactek siinik axceemih, Yol uduuraay, anu kaadu siinil aduureyyo.