2 Malikwa 21:7 - NABUWWA KEE MALIKWA

⁷ Yallih Qibaadah-Qarih addal woo migaaqah Aseera deqsittaamay yaqbudeenihiyyah astah heeh suge gurmudda hee. Woo ceelo elle heem, YALLI Malik Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addal doore araca» akak iyye aracak ten.

2 Malikwa 21:7 ပူးပေါင်းရင်းမြစ်များ

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

1 Malikwa 8:29

A qarik bar kee loqoh amo wagit. A qariy ku qibaada-elle-takke'gidih doortehiyyah fan ufkunna exceh kulli waqdi abah an dooqa yok raabit.

1 Malikwa 8:44

«Ku mari, atu ken amrissa waqdi, naqboytiitih isik yan marat qeebi abaana'gidih gaadan waqdi, faxe ikkeliiy yanoonay, a magaalay isih doorittehiyya kee ta Qariy ku qibaadah xisehiyya fan ufkunna 'yeenih kooy YALLAH yanihiyya kallacan waqdi,

1 Malikwa 9:3

YALLI kaak iyyeemih, «Abte dooqa kok oobbeh. Atu xisse qari taahirroyseeh; kulli way yoo elle yaqbudoonu waan qari kinnuk, ahaysa yi inti kee yi afqado kulli waqdi kaa dacrisele.

1 Malikwa 9:7

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroyse baaqid luk maraaqa. Israayil ummatta, kulli ikkek yamaate mari elle anqaasah burtan mara akkelon.

2 Malikwa 16:11

Uriyya gexeeh, Acad yamaateemik dumal, hununuh too aracih gurral, sadgat arac bicseh kaah suge.

2 Malikwa 21:4

YALLIH Qibaadah-Qarih addal, diini-maleela taqbude sadgat elle aban arooca bicse. Woo sadgat arooca elle bicsem, YALLI duma «Yarusalaamal yi qibaada elle takke'gidih doore» akak iyye aracak ten.

2 Malikwa 23:27

Tohuk gexxaamah YALLI iyyeemih, «Duma Israayil-marak abba heem Yuudâ-marak abeyyo. Yuudâ-mara inni foocak kaleyyo. Yarusalaam-magaalay inni magaala akak exceh suge kee, Qibaadâ-Qariy yoo elle yaqbudoonuh doore excehiyya yim hinna» 'yaanam iyye.

2 Malikwa 23:4

Tohuk lakal malik kaxxa seekih yan Cilkiyya kee, kay gubal tan seeka kee, YALLIH Qibaadah-Qarih culmak afal dacayrih yen marak iyyeemih, «Gexay, YALLIH Qibaadah-Qarih addal tan duyyey Baqal kee Aseera akak iyyaanamay yallah loonuh qibaadah heenihiyya, wokkeh addak eyyeeqa. Cutuukah qibaadah heen duyye kaadu wokkek addak kala» iyye. Too duyye tokkek yeyyeeqen waqdi, beyya heenih, magaalak afal Kidroon deqsitta goloh addal gira edde ruuben. «Too girak raaqe gombod Beetal fan beya» iyye.

2 Malikwa 23:6

YALLIH Qibaadah-Qarih-addak, Aseera akak iyyaanamay say-yallah luk sugeenihiyyah-ceelo wokkek kaleh, magaalak afal Kidroon-Golo deqsitta goloh addal gira edde ruube. Too girah gombod sahda elle yaaguqen aracal caxe.

2 Aydaad 33:15

Yallih aftok aqbuduk suggu 'yen duyyeeya kee gabak bicsen ceeloy Yallih Qibaadah-Qarih addal isih heeh sugehiyya wokkek kaleh. Kalah kaadu, diini-maleela taqbudeemih sadgat elle aban aroocay Qibaadâ-Qari elle yan koomah amol tenee kee, tonnah kaadu, Yarusalaamak gersi aroocal tenehiyya wokkek kaleh. Woo duyye magaalak iroh eyyeqqa heeh baaxot qide.

2 Aydaad 33:7

Yallih Qibaadah-Qarih addal gabak bicsen ceeloy yaqbudeenihiyya hee. Woo ceelo elle heem, Yalli Malik-Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addak doore araca» akak iyye aracak ten.

2 Aydaad 6:6

A saakuh tu gactek, yoo elle yaqbuden qari xisaana'gidih, Yarusalaam magaala dooreh aniih; kaaduuy, Dawudow, yi ummat xiinissa'gidih koo doore› 'yaanam kaak iyyeh suge» iyye.

2 Aydaad 7:12

YALLI barak teena kaah yumbulle. YALLI kaak iyyeemih, «Abte dooqa kok oobbeh. A qari yi sadgat elle aban qari yakke'gidih, yol abte kallaci kok oggole.

2 Aydaad 7:20

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroysehiyya baaqid luk maraaqa. Kulli mari a qari yabloonu waan waqdi, anqaasah elle rabeloonuh, burtelon.

Nacmiya 1:9

Tonna'mmay tohuh, yol tuduureenik, aba siinik axcem oggolla hayteenih abteenik, inkih yan baadal sin fixixisaamah, yoo elle taqbudoonuh doore arac fan sin gacseyyo› nek inteh ten.

Ermiyaas 32:34

Yoo elle yaqbuden qarih addal, umâ-yabulih tan duyyey Yallih innah yaqbudeenihiyya heeniih, yi Qibaadah-Qari nadaasa aben.

Ermiyaas 7:30

« ‹Macaay inteenik, Yuudâ-mari umâ-yabulih tanim abe. Yoo elle yaqbuden yi Qibaadah-Qaril, umâ-yabulih tan duyyey yi aftok yaqbudeenihiyya heeniih, qari nadaasa yok aben. Tah intam yoo YALLA.

Yacedkel 23:38

Oson aben dambi amahat taadeem hinna. Too saaku yi qariy yoo elle yaqbudeenihiyya nadaasa aben. Anu yoo edde uqbuda exce Sabti ayro xagure waanam baahen.