2 Malikwa 21:18 - NABUWWA KEE MALIKWA

¹⁸ Manasse rabeeh; malik qarik bustaan aracay Quddâ-bustaan deqsitahiyyal kaa yoogoqen. Kay baxi kay aracal malik yekke. Kay migaq Amonuk ten.

2 Malikwa 21:18 ပူးပေါင်းရင်းမြစ်များ

2 Malikwa 21:19

Amon Yuudâ-malik yekke saaku labaatanna kee namma karmat yen. Yarusalaam magaalah addal namma sanatah malikih suge. Kay ina Masullemat deqsitta barrak ten. Teetik abba migaaqah Carus deqsitak yen. Elle yookokem, Yotba deqsitta magaalak ten.

2 Malikwa 21:26

Amon rabe saaku, Quddâ-bustaanih addal yen kay kabrit kaa yoogoqen. Kay baxi Yoosiyaahu kay lakal malik yekke.

1 Aydaad 3:14

Manasse Amon xaleeh, Amonuuy Yoosiyaahu xale.

2 Aydaad 21:20

Yahooram soddom kee nammayhaytot yan saaku malik yekkeeh, sarrak Yarusalaamal bacra sanat malikih suge. Rabe saaku kay rabah rookittem matan. Magaalak Dawud-Magaala deqsita caafatal kaa yoogoqeeni'mmay, malikwa edde yaaguqen magaqat kaa maaguqinnon.

2 Aydaad 24:16

Sek Yoyadaq rabe saaku, Dawud-Magaala deqsita caafatal malikwa elle yoogoqen ikkel kaa yoogoqen. Toh akah abeenimii, usuk Israayil marah meqem abeh, Yalla kee Yallih Qibaadah-Qarih meqem abe.

2 Aydaad 24:25

Qeebit kaxxam mudduumeh raaqe. Sarra Suuriyah qaskar baaxok tewqe waqdi, kay gubal doolat abbobtih ten namma num kaal malisseeh; Sek-Yoyadaqah baxat abe qidimih caneh, isi kaqaadal yan waqdi kaa qiden. Magaq magaalak Dawud-Magaala deqsita caafatal kaa yoogoqen. Takkay immay dardortih aracat kaa maagaqinnon.

2 Aydaad 28:27

Rabe saaku kaa elle yoogoqeenim, Yarusalaam addak ten. Takkay immay malikwa edde haan kabrit kaa mahannon. Kay lakal kay baxi malik yekke. Kay migaq Ciskiyyaahu deqsitak yen.

2 Aydaad 32:33

Ciskiyyaahu rabe saaku malikwa elle yaaguqen aracak fayya le aracal kaa yoogoqen. Usuk rabe saaku inkih tan Yuudah ummatta kee Yarusalaam mari inkih kay magaqah massakaxxah yemeete. Kay aracal kay baxi Manasse malik yekke.

2 Aydaad 33:20

Manasse rabe saaku malikwâ-gasol kaa yoogoqen. Kay aracal kay baxay migaaqah Amon deqsitahiyya malik yekke.

Ermiyaas 1:2

Amón-Yoosiyaahu Yuudâ-rasul malik edde yekke taban kee sidochaytô sanatat, YALLIH qangara Ermiyaasal obteeh;

Ermiyaas 22:19

Rabta saaku, rabe danan hirriigisak elle beyan innal, lafa kok hirriigisak beyya heenih magaalak afal qidelon» 'yaanam kok iyye. YALLI iyyeemih:

Xafanya 1:1

YALLI Xafanya deqsita nabil ruube farmo ah teeti. A farmo YALLAK obtem, waktik Amon-Yoosiyaahu deqsita num Yuudâ-marih amoytah yen saakuk ten. Xafanyak kaxxa abba Ciskiyyaahu deqsita malikik ten. Ciskiyyaahu Amarya xaleeh, Amarya, Gedalya xale. Gedalya kaadu Kuusi xale; Kuusi, Xafanya xale. Xafanyak nasab toh elle yani inna.

1 Samuwel 25:1

Samuwel rabeeh too saaku Israayil mari yakkeemiik kay taqdiyyah yemeeteeniih too aracal kaah rookiten. Sarrak kay raysa Raama deqsita aracay usuk dabqah elle sugehiyyal kaa yoogoqen. Tohuk lakal Dawud Faaran deqsitta baaxoy sinam elle dagohiyya fan gexe.