2 Malikwa 21:16 - NABUWWA KEE MALIKWA

¹⁶ Manasse, Yuudah-ummatta Yallih-gita cabba hayteh YALLAL dambi lem baahaanamat asise. Too dambik kalah kaadu ossotinah, Yarusalaam-gitittel qabal weeqi innah caxitam fan mango masaakiinay tu baahe wayte qide.

2 Malikwa 21:16 ပူးပေါင်းရင်းမြစ်များ

2 Malikwa 21:11

«Yuudâ-malikih yan Manasse gacca 'ta taamay Kanqaan mari abeemik kaxxam lafittahiyya abeeh; Yallih-aftok yaqbude duyyet, Yuudâ-mara kaadu Yalla-maleela edde gexxa gitat bee.

2 Malikwa 21:15

Anu inni marak toh abeyyooh; toh keenik akah abu waam, ken kaxxa abbobti Masrik tewqem kee akkeh fanah yol dambi lem baaheeniih; ken sabbatah yi bagcarra lafitak lafitte» keenik iyye.

2 Malikwa 21:2

Manasse, Israayil-mari yamaateenik naharal woo baaxol suge maray YALLI yeyyeeqehiyya edde asak sugen umâ-yabulih-tan-taama kataateeh, YALLAL dambi lem baahe.

2 Malikwa 21:7

Yallih Qibaadah-Qarih addal woo migaaqah Aseera deqsittaamay yaqbudeenihiyyah astah heeh suge gurmudda hee. Woo ceelo elle heem, YALLI Malik Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addal doore araca» akak iyye aracak ten.

2 Malikwa 3:3

Tohuh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak sugeeh; woo dambi le taamah abitto macabinna.

2 Aydaad 33:9

Takkay immay Manasse, Yuudâ mara, duma woo baaxol suge maray YALLI ken taagah woo baaxok yeyyeeqehiyya abak sugen dambik lafita dambit ken asise.

Ermiyaas 15:4

Ciskiyyaahû-baxi Manasse, Yuudal malikih yen saaku abe umaanek gexxaamah, baadal enna 'ya mari anu siinil baahem yaabbu waa waqdi, kaxxa wariggah wariggitelon» 'yaanam yok iyye.

Ermiyaas 19:4

Macaay inteenik, yoo maaqilteeniih, yot darre cabteeniih, yalla axcuk taqbuden duyyey xeet kee cooxuk bicseenihiyyat baaxo wasak abten. Taham duma sin kaxxa abbobti aaxaguk sugtem hinnaay; isin, Yuudâ-malikwak, kaadu aaxaguk sugteenim hinna. Tohuk kalah kaadu, a baaxo tu baahe wee marih qabalat bayissen.

Ermiyaas 2:34

Xagarat liton sartan tu-maleela kee umaane sinni marih qabalat isinnik bayisseenim matablan. Masaakiina akke waytek, umeynitil bahtaanam manton. Tonna'mmay ta axxul le umaanet taniiniih,

Ermiyaas 32:31

Yarusalaam mari a magaala xissimma 'teemiiy akke fan, naqabu kee bagcarra yot qidak sugen. Tohih sabbatah a magaala baysaamat emeete.

Ermiyaas 7:6

sin addal yan allî-marat xukkute wayteeniih, qayxiixa kee gubun adlume wayteeniih, elle tanin baaxol masaakiinâ-qabala caxe wayteeniih, xeet kee cooxuk bicsen duyyeh-qibaaday baati siinih xaltu waytahiyyak raqteenik,

Yacedkel 22:2

«Bani-adantow, a sahda qida mari kibuk elle yan Yarusalaam magaalal cokmi ab. Cokmih tuk teena teetik inxic. Is abba hayte umam-yabuli teetih waris.

Yacedkel 22:4

Sahdat abte qidimik gexxaamah, umeena tekke. Xeet kee cooxuk bicisse duyyey taqbudehiyyah sabbatah, nadaasa is abte. Tonna-leemiik edde baatu wayta wakti xayih. Inkinnah kaxxam xayi. Tohih sabbatah baadal tan ummatta kee doolat elle anqassa sahdayto koo abeyyo.

Yacedkel 23:45

Cakki gital yan mari a namma barra abta dalwa kee qidiyyah keenik malkitelon. Macaay inteenik, dalwa kulli way abaanaah; sahda qabalat gaba keenik tutlukeh tan» iyye.

Yacedkel 9:9

YALLI too waqdi yok iyyeemih, «Israayil kee Yuudâ-mari kaxxam gibdi dambi baaheeh; rasul ummat annaak qidaanam baaheeh; Yarusalaam baatilik dabaq aben. Yi giddinaamak, ‹YALLI ahaysa ni baaxo cabeh ikkal, nee mayabla› iyyan.